बैंक पनि साथी पनि राम्रो पनि हाम्रो पनि भने बहुचर्चित नारा तयार गरि आक्रमकरुपमा बजारमा आएको एनआईसी एशिया बैंक लिमिटेड भित्र डरलाग्दो घोटला काण्ड फेला परेको छ ।
आफूलाई नेपालकै ठूलो बैंक बताउदै आएको एनआईसी एशिया बैंक लिमिटेडले नक्कली धितो राखी दिएको ६ करोड जनताको डिपोजिटको पैसा फसेको छ भन्दा फरक पर्दैन ।

एनआईसी एशिया बैंकका सीइओ रोशन कुमार न्यौपानेको कोर टिमले अरु २६ वाणिज्य बैंकहरु भन्दा फरक बैंक बनाउने नाममा अन्धाधुन्द कर्जा प्रवाह गर्दै आएको खुलेको छ । चाडो नाफा कमाउने अरु बैंकलाई देखाई दिने भन्दै सबै शाखाका प्रमुखहरुलाई यति व्यापार गर्न भन्दै निर्देशन नै जारी गरेपछि धेरै कर्जा प्रक्रिया विपरित दिएको समेत राष्ट्र बैंककै बुझाई छ ।

एनआईसी एशिया बैंक लिमिटेडले एउटा कम्पनीको गोदाममा अर्को व्यक्तिको नामबाट कर्जा दिएर नयाँ चमत्कार गरेको छ भन्दा फरक पर्दैन । चमत्कार नै चमत्कार गर्दै आएको एनआईसी एशिया बैंक लिमिटेडले विराटनगरको रोहित पारखलाई ६ करोड नक्कली धितो राखी कर्जा दिएको भेटिएको छ । गर्भनर साब हेक्का होस् ।

विराटनगर शाखाका कर्मचारीहरुकै मिलोमतोमा कर्जा दिएपनि बैंकले आफूल बदनाम हुने डरले उक्त घटना नेपाल प्रहरीको (सीआईबी) मार्फत फाइल नपठाएको भेटिएको छ ।
बैंकले कर्जा दिएका रोहित पारख सबै सम्पत्ती विक्री वितरण गरि बैंकको ६ करोड समेत लिएर स–परिवार भारत भागेको भेटिएको छ । भनिन्छ एनआईसी एशिया बैंकले अर्कोको गोदाममा ताल्चा लगाएर चुपचाप बसेको देखिन्छ । कथा मिठो छ, बैंक बोल्दैन, नेपाल राष्ट्र बैंक सोध्दैन ।

बिराटनगरका व्यापारी रोहित पारख । जो बैंकलाई करोडौं रुपैयाँ ठगेर अहिले भारत फरार भएका छन् भन्दा फरक पर्दैन । एनआइसी एशिया बैंक लिमिटेडबाट करोडौं रुपैयाँ ऋण लिएर फरार भएका रोहित पारखले आफ्नो हुँदै नभएको सम्पत्तिलाई आफ्नो भनी बैंकलाई झुक्याएर बैंकबाट कर्जा लिएको भेटिएको छ । आफैंले अरु कसैलाई बहालमा दिएको गोदाममा राखिएको मालसामाग्री आफ्नो हो भनी एनआइसी एशिया बैंकबाट ६ करोड कर्जा लिएका उनी अहिले बैंकसँग सम्पर्कमा छैनन् । पारखले विराटनगरस्थित एनआईसी बैंकबाट साढे ६ करोड कर्जा निकालेका थिए । मोरङको कटहरी गाँउपालिका ४ मा रहेको आफ्नो जग्गा र गोदाम पारखले विराटनगरकै ब्यापारिक प्रतिष्ठान शिव भगवती ट्रेडर्सलाई बहालमा दिएको भेटिएको छ ।

शिव भगवती टे«डर्सले विगत ९ बर्षदेखि पारखको जग्गा र गोदाम भाडामा लिएर आफ्नो ब्यापार गर्दै आएको देखिन्छ । तर त्यहि गोदाममा भएको समान आफ्नो हो भनी देखाएर रोहित पारखले एनआइसी एशिया बैंकबाट ६ करोड रुपैयाँ ऋण निकाल्न सफल भएका छन् भन्दा फरक पर्दैन । यो कस्तो बैकिङ्ग हो गर्भनर साब ।

शिव भगवती ट्रेडर्सलाई आफ्नो जग्गा र गोदाम बहालमा दिएका थिए पारखले । र सो गोदाममा उनको होइन शिव भगवती ट्रेडर्सको हो । शिव भगवतीले विगत ९ बर्षदेखि पारखको जग्गा र गोदाम भाडामा लिएर आफ्नो ब्यापार गर्दै आएको थियो र अहिले पनि व्यापार गरिरहेको छ । तर पारखले आफ्नो भनी बैंकबाट ऋण निकालेकाले बैंकले ऋण नतिरेको भन्दै अहिले सो गोदाममा एनआईसी एशिया बैंकले ताला लगाईदिएको छ, जसका कारण शिव भगवती ट्रेडर्सको १० करोड बढीको गहुँ र मकै पारखको गोदाममा थन्किएको र कुहिन थालेको छ ।

हाल फरार भएका पारखले एनआइसी एशिया बैंकका कर्मचारीहरुसंगको मिलमोतोमा शिव भगवती टे«डर्सले भण्डारण गरिराखेको खाद्यान्नपनि आफ्नो भन्दै साँढे ६ करोड रुपैयाँ कर्जा दिएको देखिन्छ । यो कस्तो बैकिङ्ग हो गर्भनर साब ? तर पारख एकाएक सम्पर्कमा नआएपछी एनआइसी एशिया बैंकले उक्त गोदाममा ताला लगाईदियो । एनआइसी एशिया बैंकले ताला लगाईदिएको खबर एनसीसी बैंकसम्म पुग्यो जुन बैंकसंग शिव भगवती ट्रेडर्सले कारोबार गरिरहेको थियो । एनसीसी बैंकले पनि कर्जा जोखिममा परेको देखेपछी आफ्नो बैंकका तर्फबाट पनि उक्त गोदाममा ताला लगाई दिएको देखिन्छ । दुवै बैंकले ताला लगाईदिएपछि आफ्नो मालसामानको सुरक्षा जोखिम देखेपछी अहिले सो गोदाममा शिव भगवति टे«डर्सले समेत आफै ताला लगाईदिएको भेर्टिको छ । यसरी एउटै गोदाममा अहिले तीन ताला छन् । भन्दा फरक पर्दैन ।

रोहित पारख फरार भएको थाहा पाएपछि उनलाई हचुवाको भरमा कर्जा प्रवाह गर्ने एनआईसी बैंकले पौष ३ मा ताला लगाएको थियो । आफ्नो ग्राहकको गोदाममा अर्कै बैंकले ताला लगाईदिएको खबर पाएपछि एनसीसी बैंकले पौष ८ मा सोहि गोदाममा ताला लगाईदिएको देखिन्छ । शिवभगवती ट्रेडर्सले लामो समयदेखि सो ठाउँमा गोदाम संचालन गरिरहेको थियो भने एनसीसी बैंकबाट कर्जा लिएर कारोबार गर्दै आएको थियो । तर, एनआइसी एशिया बैंकका कर्मचारीहरुले गरेको भित्री मिलेमतोका कारण पारखले ऋण पाए र सो ऋण लिएर उनी अहिले भारत फरार छन्, गर्भनर साब हेक्का होस् ।

बिराटनगरमा व्यवसाय गरिरहेका रोहित पारखको व्यवहार धेरै अघिदेखि बिग्रिरहेको थियो । उनी पैसा नभएर निकै छट्पटाएका थिए । उनको व्यवहार यतिसम्म बिग्रिएको थियो कि अव कसैले पनि उनलाई ऋण सापट पत्याउने अवस्था भएन । यहि बेला एनआइसी एशिया बैंकले उनलाई ६ करोड ऋण दिन्छु भनेपछि उनलाई एनआइसी एशिया बैंक बैंकले भनेजस्तै बैंक पनि साथी पनि, सावित भयो, भन्दा फरक पर्दैन । बैंकका कर्मचारीको मिलेमतोमा उनले बैंकबाट ६ करोड रुपैयाँ निकाल्न सफल भएको देखिन्छ ।

आफ्नो हुँदै नभएको सम्पत्ति धितो राखेर एनआइसी एशिया बैंकबाट ऋण निकाल्न सफल भएका पारख ऋणको रकम निस्किएलगत्तै सपरिवार आफ्नो शनिहाटस्थित घरबाट फरार छन् । भन्दा फरक पर्दैन ।
देशकै सबै भन्दा ठुलो बैंक आफूलाई बताउँदै आएको एनआइसी एशिया बैंकले कर्जा प्रवाह गर्दा थुप्रै ठाउँमा बदमासी गरेको नेपाली बैंकिङ क्षेत्रमा सुनिदै आएको पनि हो । कर्जा प्रवाहमा कर्मचारीहरुलाई दिइएको अनावश्यक टार्गेटले अझ समस्या निम्त्याएको देखिन्छ । अझ कर्जा प्रवाहमा एनआइसी एशिया बैंक अरु बैंकभन्दा धेरै लचक पनि छ । जसरी हुन्छ व्यवसाय बढाउने ध्यानमा लागेको एनआइसी एशिया बैंक त्यो बेला फस्यो, जुन बेला व्यापार बढाउने नाममा बैंकले लगानी गरेका व्यक्ति फरार भए र उनले राखेको धितोसमेत नक्कली भएको खुलासा भयो । गर्भनर साब ।

एनआइसी एशिया बैंकले लापरवाही गरेको यो पहिलो घटना भने होइन । हुँदै नभएको कर्जाउपर ऋण दिने, एउटा फर्मको रकम अर्कै कम्पनीमा हालिदिने, कागज नै नपुर्याई कर्जा दिने लगायतका काम एनआइसी एशिया बैंकले पटक÷पटक गरिरहेको देखिन्छ । तर, निरिह राष्ट्र बैंक बोल्दैन । यो चाहि खोजीकै विषय बनेको छ । बैंकले दिएको टार्गेटको मारमा बैंक शाखा मेनेजरहरुले यतिसम्म हतारो गरिरहेका छन् कि उनीहरु कुन बेला आफु फसिसकें भन्ने कुरा पनि पत्ता लगाउँन नसक्ने अवस्थामा छन्, भन्दा फरक पर्दैन । बैंकले दिएको यस्तै तनावका कारण एनआईसी एशिया बैंकका प्रदेश नम्बर १ का अधिकाशं शाखा प्रमुख लगायत थुप्रै कर्मचारीहरु बैंक छोड्ने मनस्थितिमा पुगिसकेका देखिन्छ ।
आफूलाई फरक वाणिज्य बैंक बनाउने नाममा जनताको डिपोजिटबाट नक्कली कर्जा दिने बैंक नेतृत्वले सञ्चारमाध्याममा बोल्नु पर्दछ कि पर्दैन ? यो खोजीकै विषय बनेको देखिन्छ । सचेत भया ।