बलिउडकी चर्चित अभिनेत्री सन्नी लियोनको आइटम डान्स राखिएको नेपाली चलचित्र पासवर्ड भदौ २७बाट अलनेपाल रिलिज फिक्स भएपछि विदेश प्रदर्शनको क्यालेन्डर समेत सार्वजनिक गरेको छ । नेपाली चलचित्र पासवर्ड नेपालमा प्रदर्शनमा आएको एक साता पछाडी एसिया, अमेरिका, अस्ट्रेलिया र युरोपका देशमा एकै दिन फिल्म सार्वजनिक हुने बताइएको छ ।

फिल्का निर्माता अजित के आर थापाका अनुसार सेप्टेम्बर २० अर्थात असोज ३ देखि १२ देशका विभिन्न २४ शहरमा फिल्म प्रदर्शन हुने र अमेरिकाको टेक्सास, क्यालिफोर्निया र कोलोराडोमा प्रदर्शन हुने फिल्म भारतको दार्जिलिङ, सिलिगुरी र सिक्किममा पनि रिलिज हुनेछ । यस्तै अस्ट्रेलियाको सिड्नी, मेलबर्न, ब्रिसबेन, क्यानबेरा, गोल्ड कोस्ट र पर्थ, युकेको लण्डन, जापानको टोकियो, योकोहामा र ओसाका, कोरियाको सियोल, युनाइटेड अरब इमिरेटको आबु धावी र दुबई, क्यानडाको क्युबेक सिटी, पोर्चुगलको लिस्बोन, पोल्याण्डको वर्स, जर्मनीको बर्लिन र मलेसियाको क्वालालम्पुरमा फिल्म रिलिज फिक्स भएको जानकारी दिएका छन् ।

एक्सन प्रधान फिल्ममा अनुपविक्रम शाही, विक्रम जोशी, सन्नी लियोनी, बुद्दि तामाङ, रविन्द्र झा, प्रविण खतिवडा, धिरेन शाक्य, लिजा सुनार, परि राना, छुल्ठिम गुरुङ, एभरेस्ट सुर्य बोहरालगायतका कलाकारको अभिनय छ ।

सम्राट बस्नेत निर्देशित फिल्ममा अर्जुन पोखरेलको संगीत, सम्राट बस्नेतकै एक्सन, अमरजीत सिंहको छायाँकन र सौरभ लामाको डिओपी छ । निर्देशक बस्नेत र महेश दवाडीको पटकथा रहेको फिल्मको कथा सिमा गुरुङले लेखेकी छन्

।अंकित गौतमको कार्यकारी निर्माण रहेको फिल्ममा निर्माताको रुपमा अमित बस्नेत र हिराल जोशी छन् । भने, युकेको लागि कार्यकारी निर्माताको भूमिका मोहित छब्राले निभाएका छन् ।

अजित के.आर थापाको सह(लगानी रहेको फिल्मको लाइन प्रोड्युसर सनिश खकुरेल हुन् । विशेष गरी बलिउडकी अभिनेत्री सन्नी लियोनको आइटम डान्सलाई लिएर चर्चा रहेको यस फिल्मले कत्तिको ब्यापार गर्ला त्यो भने हेर्न बाँकी नै छ ।