एजेन्सी,कार्तिक १५

कोलकतामा एउटा आश्चर्यजनक घटना फेला परेको छ । त्यहाँका चिकित्सकले एक व्यक्तिको पेटमा ६०० वटा फलामका काँटी भेटाएका हुन् । प्रदिप कुमार दाही नाम गरेका ती व्यक्तिको पेट जोड्सँग दुख्न थालेपछि उनका परिवारले उनलाई अस्पताल भर्ना गरेका थिए । त्यसपछि चिकित्सकले सोनोग्राफीको रिपोर्ट हेरेर मात्र उनको हालत् थाहा पाएका थिए । यस घटनाले उनको घरपरिवार लगायत अस्पतालका सम्पूर्ण कर्मचारीलाई अचम्ममा पारेको थियो । तर त्यति धेरै किल्ला पेटमा पुग्दा पनि उनका कुनै अङ्गमा गहिरो चोट वा घाउ नभएको देखेर पहिले त चिकित्सहरुलाई विश्वास लागेको थिएन ।

वास्तवमा प्रदीपलाई फलामका काँटी खाने बानी लागेको चिकित्सकले बताएका हुन् । तर उनले धेरैधेरै खान थालेपछि भने ती काँटीहर उनका पेटमा जम्मा भएर बसेका थिए । यसले उनको शरीरमा गम्भीर असर गर्न सक्थ्यो तर ती काँटीले उनको पेटमा कतै घाउ बनाएको थिएन । फलामको काँटी भएकाले उनको शल्यक्रिया गर्न चुम्बकको प्रयोग गरिएको थियो । यसका लागि चिकित्सकहरुले पहिले उनको पेट चिरेर त्यहाँ हल्का चुम्बकको प्रयोग गरि बिस्तारै बिस्तारै सबै काँटीहरु निकालेको बताए ।