चितवन, असोज २२–

दशैं यता चितवनका अस्पतालहरुमा बिरामीको चाप बढेको छ । भरतपुर अस्पतालसंगै चितवन मेडिकल, पुरानो मेडिकल कलेजलगायतका अस्पतालहरुमा बिरामीको चाप बढेको हो ।

भरतपुर अस्पतालमा आईतबार मात्रै १ हजार पाँच सय भन्दा बढीले स्वास्थ्य उपचार गराएका छन् । बिरामीको संख्या बढेपछि लामो समय लाईन बसेर टिकट काटेका थिए । सामान्य स्वास्थ्य परीक्षण गराउनेहरुको संख्या बढी थियो । दशै सकिएपछि बिरामी उपचारका लागि अस्पताल आएका हुन् । एकै दिन यति धरै ओपिडि सेवा लिनुलाई नौलो मानिएको छ ।

यसअघि करिब उक जारको हाराहारीमा मत्र बिरामीले ओपिडि सेवा लिने गरेका थिए । आउने गरेका दशैं अघिको चिकित्सकको आन्दोलन र दशैं विदाका कारण स्वास्थ्य परीक्षण गराउनेको संख्या बढेको अस्पतालका मेडिकल सुपरीटेण्डेन्ट डा. रुद्रप्रसाद मरासिनिले जानकारी दिनुभयो । भरतपुर अस्पतालमा गत मंगलबारबाटै ओपिडि सेवा सेवा सुरु भएको हो । पूर्णिमापछि मात्रै संचालन हुने भनेर आज भिड बढेको डा. मरासिनिले बताउनुभयो ।

अस्पतालका अध्यक्ष राजकुमार राजभण्डारीले सरकारी अस्पतालको सेवा प्रति विश्वस्त भएर बिरामीको चाप बढेको बताउनुभयो । अस्पतालको सेवालाई जनतामैत्री बनाईएको अध्यक्ष राजभण्डारीले बताउनुभयो ।