चितवन, असोज २२–

चितवनको पुरानो क्रिकेट क्लब भरतपुर क्रिकेट क्लबको आयोजनामा भईरहेको सिएमसी मेयर कप अन्तर वडा क्रिकेट प्रतियोगिताको सुपर सिक्स चरणका खेलहरु भोलीदेखि सुरु हुँदैछ ।

आज भरतपुरमा एक कार्यक्रम गरि सुपर सिक्स चरणमा पुगेका टोलीहरुको गोला प्रथाबाट समूह विभाजन गरिएको छ । प्रतियोगिताको लिग चरण पार गर्दै वडा नं. १० ‘ए’, वडा नं. १० ‘बी’, वडा नं. ७ ‘बी’, वडा नं. २५ र वडा नं. २६ र गरी सुपर सिक्स चरणमा ६ वटा टिम पुगेका छन् ।

यस्तै आजै प्रतियोगिताको ट्रफी समेत सार्वजनिक गरिएको छ । चितवन मेडिकल कलेज–शिक्षण अस्पतालकी एसोसियट प्रोफेसर ममता शर्मा न्यौपानेले ट्रफी सार्वजनिक गर्नुभयो ।

प्रतियोगिता यही असोज असोज १ गते भरतपुरस्थित वीरेन्द्र क्याम्पसको नौ बिगहा खेल मैदानमा सुरु भएको थियो । दशैं सकिएपछि अहिले अर्को चरणको खेल हुन लागेको हो । प्रतियोगितामा १८ वटा वडा टिम र सि.एम.सी. को एक टिम गरी १९ टिमको सहभागिता रहेको थियो । प्रतियोगिताको प्रथम पुरस्कार रू. ५० हजार, द्वितीय पुरस्कार रू. २५ हजार सहित आकर्षक ट्रफी, प्रमाण–पत्र र अन्य पुरस्कारहरु प्रदान गरिने छ । यस प्रतियोगिताको अनुमानित खर्च रु. १० लाख ५० हजार रहेको क्लवका अध्यक्ष अनिल अधिकारीले जानकारी दिनुभयो ।

यसैबीच क्रिकेटमा व्यवसायिकता प्रवद्र्धनका लागि पूर्व क्रिकेट खेलाडी एवम् उद्योग वाणिज्य संघ चितवनका युवा अध्यक्ष राजन गौतमलाई प्रतियोगिताको सद्भावना दूत बनाइएको छ ।