निजि क्षेत्रको जीवन बीमा कम्पनी प्राइम लाइफ इन्स्योरेन्स कम्पनीले दोस्रो त्रैमासमा खुद मुनाफामा ९ करोड ५ लाख रुपैयाँ कमाएको छ, जुन गत वर्षको सोहिअवधिको तुलनाभन्दा २१ दशमलव ४१ प्रतिशतले घटेको हो । अघिल्लो वर्षको सोहि अवधिमा कम्पनीले नाफा ११ करोड ५१ लाख रुपैयाँ कमाएको थियो ।

कम्पनीको खुद बीमा शुल्क ३० दशमलव ९७ प्रतिशतले वृद्धि गरी १ अर्ब २२ करोड २८ लाख रुपैयाँ आर्जन गरेको छ भने खुद दाबी भुक्तानी ५० प्रतिशतले वृद्धि गरी १७ करोड ७७ लाख रुपैयाँ रहेको छ ।

१ अर्ब ७८ करोड ४८ लाख रुपैयाँ चुक्ता पूँजी भएको कम्पनीले जगेडाकोषमा ९७ करोड ९० लाख रुपैयाँ र जीवन बीमा कोषमा ७ अर्ब ६८ करोड ९७ लाख रुपैयाँ राखेको छ । जसले आम्दानीमा १७ करोड १ लाख रुपैयाँ आर्जन गरेको छ भने खर्च ७ करोड ९५ लाख रुपैयाँ रहेको छ ।

कम्पनीको कुल बीमाशुल्क हाल सम्म १३ अर्ब ४८ करोड ५२ लाख रुपैयाँ आर्जन गरेको छ भने दाबी भुक्तानी कुल २२ करोड ७८ लाख रुपैयाँ रहेको छ । कुल कायम बीमालेखको संख्या ४ लाख ८६ हजार ६२३ वटा र कुल दाबी भुक्तानी संख्या १ हजार ६० वटा रहेको छ ।

कम्पनीको प्रति शेयर आम्दानी १० दशमलव १४ रुपैयाँ, प्रति शेयर नेटवर्थ १ सय ६० दशमलव १२ रुपैयाँ र मूल्य आम्दानी अनुपात ४९ दशमलव २९ गुणा रहेको छ ।

1554634507Nic-Asia-Chamatkarik-1252x141.gif
SHARE

तपाइको प्रतिक्रिया दिनुहोस्

कृपया आफ्नो टिप्पणी प्रष्ट गर्नुहोस्!
कृपया आफ्नो नाम यहाँ प्रष्ट गर्नुहोस्