चितवन,कार्तिक १८-

नेकपा एमालेका स्थायी समिति सदस्य एवम् क्षेत्र नः १ चितवनका उम्मेदवार सुरेन्द्र पाण्डेले अब वन्ने वाम सरकारले वृद्धभत्ता ५ हजार बनाउने र जनताको उपचार निशुल्क गर्ने बताएका छन् । वाम गठवन्धनले चितवनको माडीमा गरेको कार्यक्रमलाई सम्वोधन गर्दै नेता पाण्डेले जनताको सामाजिक सुरक्षामा वाम गठवन्धनको सरकारको चासो सवैभन्दा बढि रहने दावी गरे ।

वृद्धभत्ता अहिले २ हजार छ त्यसमा ३ हजार थप्न कुनै समस्या हुँदैन, स्वास्थ्य बीमा मार्फत सवै जनताले निशूल्क उपचार पाउँछन् पाण्डले भने, कांग्रेसले वाम गठवन्धनका बिरुद्ध जतिसुकै हल्ला र कोकोहोलो मच्चाएपनि कोही जनताले पत्याउनेवाला छैन् । उनले सवै युवालाई रोजगार प्रदान गर्न पनि बाम गठबन्धनका उम्मेद्वारलाई जिताउन आग्रह गरे । उनले निर्वाचनपछिको पहिलो काम स्वरुप भरतपुरदेखी ठोरी सम्मको वाटो पिच गरिने वताए ।

पाण्डेले राप्रपा प्रजातान्त्रिकका नेता एवम् उपाध्यक्ष विक्रम पाण्डे प्रति लक्षित गर्दै पैसाको बलमा निर्वाचन जित्ने सपना नदेख्न आग्रह गरे । चितवन निर्वाचन क्षेत्र नः ३ का कांग्रेस मतदाता टुहुरो जस्तो भएको भन्दै नेता पाण्डले आफ्नो चुनाव चिन्हमा मतदान गर्न नपाउने दुर्भाग्य यहाँका कांग्रेसलाई देउवाले ल्याइदिएको वताए ।