चितवन, भदौं ३१–

लियो क्लव अफ नारायणगढ चित्रवनको आयोजनामा चौथो दशैं कप अन्तर लियो फुटसल प्रतियोगिता हुने भएको छ । ‘दशैं, तिहारमा रमाउँ लियोको साथ’ भन्ने नारासहित आउँदो असोज ७ गते ब्रोदर्श फुटसल क्षेत्रपुरमा प्रतियोगिता हुन लागेको हो ।

प्रतियोगिताको विजेताले नगद २० हजारसहित ट्रफी, मेडल, प्रमाणपत्र, र द्धितिय हुने टिमले नगद १० हजार, ट्रफी, मेडल र प्रमाणपत्र प्राप्त गर्ने क्लवका अध्यक्ष पुरुषोत्तम सुवेदीले जानकारी दिनुभयो । यस्तै प्रतियोगितामा सहभागि एक टिमलाई फेयर प्ले टिम अवार्ड प्रदान गरिने छ । प्रतियोगितामा टिम दर्ता शुल्क २ हजार ५ सय रुपैयाँ रहेको छ ।

प्रतियोगितामा चितवन गैंडाकोटका लियो क्लवहरुले सहभागिता जनाउँदैछन् । यसअघि आयोजित दशैं कप फुटसलको पहिलो संस्करणको उपाधि लियो क्लव अफ गैंडाकोट मौलाकालिकाले उचालेको थियो भने दोस्रो र तेस्रो संस्करणको उपाधि लियो क्लव अफ रत्ननगरले हात पारेको थियो ।