‘भारतका पिता’ भनि ख्याति कमाएका र अहिंसा आन्दोलनबाट भारतलाई स्वतन्त्रता दिलाउन सफल महात्मा गान्धीको चस्मा साढे ३ करोड रुपैयाँ बढीमा बिक्री भएको छ ।

बेलायतको लिलामी संस्था इस्ट ब्रिस्टल अक्सन्सले गरेको बोल बढाबढ लिलामीमा गान्धीको चस्मालाई अमेरिकी नागरिकले २ लाख ६० हजार पाउण्ड अर्थात् नेपाली रुपैयाँ ३ करोड ६६ लाख ६० हजारमा खरिद गरेका हुन् ।

लिलामीमा राखेको छ मिनटमै एक अमेरिकी संकलकले उक्त रकममा खरिद गर्ने बताएपछि बढाबढको प्रक्रिया सकिएको थियो ।

इस्ट ब्रिस्टलका एन्ड्रयू स्टोले गान्धीको चस्मा २५ लाख रुपैयाँसम्ममा बिक्री हुने अपेक्षा गरेको तर ठूलो रकममा बिक्री भएको बताए । स्टोले यसलाई ‘शताब्दीकै ठूलो लिलाम बढाबढ’ भनि टिप्पणी गरेका छन् ।

गान्धीको यो चस्मा म्याङगोट्सफिल्डका एक वृद्धले लिलाममा राख्न दिएका थिए । सोचेभन्दा बढी मूल्य पाएपछि उक्त रकम छोरी र आफुले बाँड्ने बताए । लिलामी संस्थाका स्टोले भनेका छन्, ‘साढे ३ करोड रुपैयाँ बढीको अफर आएपछि ती वृद्धमा झण्डै हृदयाघात भएको थियो ।’ एजेन्सीको सहयोगमा