काठमाडौं,कार्तिक २०-

सिटिजन्स बैंक इन्टरनेसनल लिमिटेडले आफ्नो ६५ औं शाखा झापाको हल्दिबारीमा संचालनमा ल्याएको छ । आज कार्तिक २० गते बैंकका सहायक प्रमुख कार्यकारी अधिकृत बोधराज देवकोटाले पूजा पाठ गरी बैंकिङ्ग कारोवारको सुरुवात गरेका हुन् ।

सिटिजन्स बैंक इन्टरनेसनल लिमिटेडले ग्राहकलाई देशैभरी फैलिएका ६५ वटा शाखा, ६२ वटा एटिएम काउन्टर र ९७ वटा शाखारहित आधुनिक बैंकिङ्ग सेवाहरुबाट करिव ३ लाख ५० हजार ग्राहकहरुलाई सेवा प्रदान गर्दै आएको छ । साथै आफ्नो ग्राहक वर्गहरुलाई रेमिट्यान्स सेवा, ड्राफ्ट, भिसा ए।टि।एम। कार्ड सेवा, भिसा इन्टरनेसनल डलर कार्ड सेवा, विभिन्न किसिमका निक्षेप तथा कर्जा सुविधाहरु साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ ।

उक्त समारोहमा सामाजिक उतरदायित्व कार्यक्रम अन्तर्गत बैंकले श्री लक्ष्मी माध्यमिक विद्यालय र श्री सान्ती प्राथामिक विद्यालयलाई १÷१ थान कम्प्यूटर सहयोग स्वरुप हस्तान्तरण गरेको छ ।उक्त हस्तान्तरण बैंकका सहायक प्रमुख कार्यकारी अधिकृत देवकोटा र हल्दिबारी गाँउपालिका अध्यक्ष रविन्द्र लिङदेनले संयुक्त रूपमा गरेका हुन् ।

उक्त शाखाका इन्चार्ज दुर्गा बहादुर कार्कीले यस क्षेत्रमा कृषि कर्जा , पशु पालन, चियाखेती तथा अन्य व्यवसायिक क्षेत्रमा प्रश्स्त लगानी गर्ने बैंकको उदेश्य रहेको जानकारी दिए ।

मुलुक संघीय प्रणालीमा गएसंगै अब दुर्गम क्षेत्रका सर्वसाधारणले बैंकिंग सेवा लिन जिल्ला सदरमुकाम वा शहर बजारमै पुग्नु पर्ने बाध्यात्मक परिस्थितिको अन्त्य गर्नका निम्ति अब आउने निकट भविष्यमानै बैंकले ,महोतरीको औरही र दांङको बंगलाचुलीमा थप शाखा संचालन गर्ने योजना अगाडी सारेको बैंकका नायव प्रमुख कार्यकारी अधिकृत तथा प्रवक्ता गणेश राजपोखरलले जानकारी गराए ।