चितवन,कार्तिक १६-

नेकपा माओवादीका अध्यक्ष पुष्पकमल दाहालले ७० वर्षदेखि चल्दै आएको अस्थिर सरकारको इतिहास बाम गठबन्धनले तोड्ने बताउनु भएको छ । चितवन ३ बाट एमालेमा–माओवादीका साझा उम्मेदवार बन्नुभएका उहांले उम्मेदवारी दर्ता गराउने क्रममा सञ्चारकर्मीसंग कुरा गर्दै ७० देखिको पांच बर्षपनि टिक्न नसक्ने परम्परा अन्त्य हुन लागेको वताउनु भयो । उहांले बाम गठबन्धनले ढुक्कसंग बहुमत ल्याउने र पांच वर्ष सरकार चलाउने दावी गर्नुभयो । बाम सरकारसंगै देशमा स्थिरता कायम हुने प्रचण्डको भनाई छ ।

प्रचण्डले चितवनका जनताको मायाले डोर्याेएपछि आफुले चितवन ३ बाट उम्मेद्वारी दिएको वताउनुभयो । गृहजिल्ला आउन ११ बर्ष लागेको भन्दै उहांले जनताको साथ र सहयोगले उत्साह वढेको बताउनुभयो ।