चितवन, असोज ३१-

सडकमा बेवारिसे रहेका कुकुरहरुको संरक्षणका लागि रोयल राइनो राइडर्स चितवनले च्यारिटी कार्यक्रमको आयोजना गर्दैछ ।

कुकुर तिहारको अवसर पारेर कात्र्तिक एक गते कार्यक्रम आयोजना गर्न लागिएको हो । बेवारिसे कुकुरहरुको संरक्षण गरौँ, उनीहरुलाई उपयुक्त वातारण निर्धारण गरौँ भन्ने उद्देश्यले मोटरसाइकल ¥याली सहित कार्यक्रम आयोजना गरिँदै छ । बुलेट बाइक जोन क्षेत्रपुरबाट दिउँसो ३ बजे सुरु हुने ¥याली केन्द्रिय बस टर्मिनल, गोन्द्राङ हुँदै सौराहमा पुगेर कार्यक्रममा परिणत हुने छ ।

कार्यक्रम संयोजक विवेक घिमिरेका अनुसार सौराहमा हुने समापन कार्यक्रममा त्यहाँ स्थानीयसँग वेवारिसे कुकुर संरक्षणका विषयमा कुराकानी समेत गरिने छ । रोयल राइनो राइडर्स चितवनका महासचिव सरोज श्रेष्ठका अनुसार कुकुरहरु संरक्षणका लागि च्यारिटी स्वरुप आयोजना गर्न लागिएको कार्यक्रमबाट संकलित रकम बेवारिसे कुकुरहरुको उपचार तथा भ्याक्सिनेशनमा उपयोग गरिने छ ।

श्रेष्ठले कार्यक्रममा बाइक भएका व्यक्तिहरुलाई सहभागीका लागि अनुरोध समेत गरेका छन् । श्रेष्ठका अनुसार कार्यक्रममा सहभागिता जनाउन ९८०२९४८७४७ वा ९८४५३३३५५६ मा सम्पर्क गरेर जानकारी लिन सकिने छ ।

यसबाहेक रोयल राइनो राइडर्स चितवनले सडक सम्बन्धी सचेतना कार्यक्रमहरु विभिन्न समयमा सञ्चालन गर्दै आएको छ ।