चितवन, असोज ३०–

युवा पुस्तामाझ चर्चित नायक सलोन बस्नेतको स्वर रहेको नयाँ गीतको भिडियो सार्वजनिक भएको छ ।

होस्टेल, लव सब, गजालु, ए मेरो हजुर २ जस्ता सफल चलचित्र मार्फत दर्शकको मन जितेका सलोनले यसअघि आफ्नो नयाँ चलचित्र बाबु कान्छाको गीतमा समेत र्‍याप हानेका छन् । रूम नम्बर १०८ बोलको सार्वजनिक गीतमा सलोनसँगै अर्का नायक आमेष भण्डारीको पनि स्वर रहेको छ । गीतमा कम्पोज सुरज ब्लुजको रहेको छ ।

चलचित्र ‘मेला’मार्फत एक्कै साथ पर्दामा आउन लागेका सलोन र आमेष निकै मिल्ने साथी हुन् । पर्फेक्ट प्लान इन्टरटेनमेन्टको प्रस्तुति रहेको यस गीतमा सलोन र आमेषसँगै गिरिश खतिवडालाई पिÞmचरिङ्ग गरिएको छ ।

शिशिर खातीको निर्देशन रहेको यस म्युजिक भिडियोलाई खातीले निकै सुन्दर तरिकाले निर्देशन गरेका छन् । पवन सुस्लिङ्गको छायांकन रहेको यस गीतलाई गौतम राज खड्काले सम्पादन गरेका हुन् । यस्तै सलोन बस्नेतको मुख्य भूमिका रहेको चलचित्र बाबु कान्छा मङ्सिर १५ गतेबाट प्रदर्शनमा आउदै छ ।