ज्ञानु पंगेनी,

नवलपरासी, असोज २९–

नवलपरासीको देवचुली नगरपालिकाको दुम्कौलीमा रहेको चौधरी उद्योगग्रामको आयोजनामा आईतबार भएको सिजी गल्फ टुर्नामेन्टको उपाधी एस.के. सिंहले उचालेका छन् । सिंहलाई चौधरी उद्योगग्रामका प्रमुख विनोद चौधरीले ट्रफी प्रदान गरे ।

टुर्नामेन्टको फस्ट रनरअप आर.आर. पाण्डे, सेकेन्ड रनरअप सुधिर घिमिरेले भए लङ्गेस्ट ड्राभ आङ्ग छिरिङ्ग शेर्पा, क्लोज टु द पिन महेन्द्र मैनाली र मोस्ट बर्डिजतर्फ संजय पाण्डेले जित हात पारेका छन् ।

टुर्नामेन्टमा देशभरका १४ जना खेलाडी सहभागि भएका थिए । पुरस्कार वितरण कार्यक्रममा बोल्दै उद्योगती चौधरीले देभरमा गल्फ खेलको जम्मा ५ वटा मात्रै खेल मैदान रहेको र जसमध्ये एउटा नवलपरासीमा हुनु गौरब कुरा भएको बताए । यहाँ ९ होलसहितको खेल मैदान रहेको उनले जानकारी दिए । गल्फ खेल अन्तराष्ट्रिय स्तरको खेल भएकाले यस खेलको विकासका लागि आफुले आफ्नै पहलमा खेल मैदानदेखि लिएर सबै व्यवस्थापन गर्दै आईरहेको उनले बताए । यस्तै उनले नवलपरासीको गल्फ खेल मैदानलाई अन्तराष्ट्रिय स्तरको खेल मैदान बनाएर अन्तराष्ट्रिय खेलाडी र अन्तराष्ट्रिय पर्यटक भित्र्याउनका लागि पहल गरिरहेको बताए ।

देवचुलीमा रहेको चौधरी उद्योगग्राममा २००३ सालबाट नै गल्फ खेल हुँदै आएको छ । यस खेललाई खर्चिलो र धनाड्यहरुले खेल्ने खेल मानिदै आएको छ । नेपालमा गल्फ खेलाडी समेत ज्यादै कम रहेको गल्फ खेलाडी आङ्ग छिरिङ्ग शेर्पाले बताए ।