चितवन, असोज १–

मलेसीयामा जारी एसीसी यु १९ एशिया कप अन्तरगतको पूर्वी क्षेत्रीय छनौटको उपाधिकालागि अहिले नेपालले हङकङको सामना गरिरहेको छ ।

टस हारेर पहिले व्याटिङ गरेको हङकङ ३२.१ ओभरमा ७६ रनमै सेमिटयो । पहिलो ओभरमै विकेट गुमाएको हङकङ सम्हालिएर व्याटिङ गरेपछि एक समय ३५–१ को अवस्थामा थियो । त्यसपछि नेपाली बलरसामु हङकङका व्याट्सम्यान निरीह सावित भए । हङकङका लागि हरपित सिंहले सर्वाधिक ३६ रन बनाए भने हामिद खानले ३० रन बनाए ।

किनारा ओभल मैदानमा भईरहेको खेलमा नेपालका सहाब आलम र सन्दिप लामिछानेले समान ३/३ विकेट लिए । अनिल कुमार शाह र दिपेन्द्रसिंह ऐरीले समान एक/एक विकेट लिए ।

नेपाल ७७ रनको लक्ष्य लिएर केहीबेरमा जवाफी व्याटिङमा उत्रिदै छ ।

नेपालले हिजो घरेलु टोली मलेसीयालाई १० विकेटले पराजित गर्दै फाईनल यात्रा तय गरेको थियो भने हङकङले सिंगापुरलाई पराजित गर्दै नेपालसंगको भिडन्त पक्का गरेको थियो ।