काठमाडौं, भदौ २२ –

राष्ट्रिय जनता पार्टी नेपाल माओवादी केन्द्र र एमाले विरुद्ध खनिएको छ । विहीबार काठमाडौंमा पत्रकार सम्मेलन गरी पार्टीको चुनावी घोषणा–पत्र सार्वजनिक गर्दा राजपाले माओवादी केन्द्र र एमालेको विरोध गरेको हो । मधेसविरोध पार्टीको आरोप लगाउँदै आएको राजपा नेपालले एमालेप्रति भने नरम रुपमा प्रस्तुत भएपनि एमाले संघीयता र समावेशीकरणका विरोधमा रहेको ढुलमुले चरित्र बोकेको मधेसप्रति अनुदार पार्टी भएको आरोप लगाए ।

घोषणा पत्रमा मधेशका जनताको अधिकार प्राप्तीको लडाईलाई अझ सशक्त बनाउन आसन्न निर्वाचनमा जाने निर्णय लिइएको पनि राजपाले जनाएको छ । घोषणापत्रमा ‘सबैको भाषा, सबैको भेष, सबै नेपाली, सबैको देश’ भन्ने नारा पनि तय गरिएको छ । त्यसैगरी मधेशका जनताको पक्षमा रहेका सबैले आसन्न सबै तहको निर्वाचनमा आफनो पार्टीलाई विजयी गराउने विश्वास पनि व्यक्त गरिएको छ ।