नवलपरासी, भदौ १६–

नवलपरासीको रामग्राम नगरपालिकाको प्रथम नगरसभाले आज रु ५९ करोड बजेट सार्वजनिक गरेको छ ।

बजेटमध्ये चालुतर्फ रु २४ करोड ६७ लाख २७ हजार र पुँजीगततर्फ रु ३४ करोड, ४७ लाख, ६९ हजार बिनियोजन गरिएको हो ।

नगरपालिकाले सभामा चालु आर्थिक वर्षका लागि कृषि, पूर्वाधार, महिला तथा बालबालिका, पर्यटन, वन/वातावरण तथा सरसफाइ, घरेलु उद्योग, शिक्षा र संस्कृति, मानव संसाधान, युवा तथा खेलकुद, सूचना तथा सञ्चार, सामाजिक सुरक्षा र स्वास्थ्यलगायतका शीर्षकमा नीति तथा कार्यक्रम बनाएको नगरप्रमुख नरेन्द्रकुमार गुप्ताले जानकारी दिनुभयो ।

नगरसभाले नगरप्रमुख, उपप्रमुखसहित वडा अध्यक्षलाई पनि पारिश्रमिकको व्यवस्था गरेको छ । सभाले नगरप्रमुखलाई रु ३५, उपप्रमुखलाई रु ३० र वडा अध्यक्षलाई रु १८/१८ हजारका दरले मासिक पारिश्रमिक दिइने व्यवस्था गरेको छ । –रासस