मोरिस ग्यारेज (एमजी)को अन्तर्राष्ट्रियस्तरको शोरुम नक्सालमा खुलेको छ । मंगलबार नेपालका लागि बेलायती राजदूत रिचर्ड मोरिसले उक्त शोरुमको उद्घाटन गरेका छन् ।

एमजी मोर्टस बेलायती कार उत्पादक कम्पनी हो । जसलाई नेपाली बजारमा पारामाउन्ट मोर्टसले बिक्री वितरण गर्दै आएको छ ।

एमजी गाडीको उत्पादन मोरिस ग्यारेजको नामबाट १९२१ मा शुरु भएको हो । यो कम्पनी अहिले ९७ वर्ष पुरानो भएको छ । यो कार उत्पादनको शुरुवाती समयमा विलियम मोरिसले अटोमोबाइल इन्जिनियर सेसिल किम्बरलाई हायर गरेका थिए।

पारामाउन्ट मोटर्सका जनरल मेनेजर सचिन अर्याल भन्छन्–‘एमजी विश्वको सबैभन्दा छिटो प्रगति गरिरहेको मोटर कम्पनीमध्येको एक हो । विगत केही वर्षदेखि एमजी ब्रान्डले नयाँ–नयाँ मोडल बजारमा ल्याएर बलियो पकड राख्दै अविश्वसनीय प्रगति गर्दै आइरहेको छ । यो कम्पनीले विश्वभरी आफ्नो पहँुच पुर्याउने लक्ष्य लिएको छ र त्यसै क्रममा नेपाली बजारमा प्यारामाउन्ट मोटर्ससँग अधिकारीक वितरकको रुपमा सहकार्य गरिरहेको छ ।’ एमजीले थाइल्यान्डमा आधुनिक टेक्नलोजी जडित फ्याक्ट्री स्थापना गरिसकेको छ, साथै २०१९ को शुरुवातसँगै भारतमा पनि उत्पादन गर्ने तयारीलाई अन्तिम रुप दिँदैछ ।

एमजीका जीएस र जेडएस मोडलको गाडी पनि लन्च गरिएको छ । सेडानको विकल्प हुनसक्ने जीएस र जेडएस मोडलका कम्प्याक्ट प्रिमिएम एसयुभी विश्व बजारमा लोकप्रिय मोडल हुन् । एमजीले सधैं आफ्ना मोडलमा पावर र सेफ्टीलाई मुख्य फिचरको रुपमा राखेर कारको उत्पादन गर्ने गर्छ । सेफ्टी एयरब्याग, उत्कृष्ट निर्माण क्वालिटी र पावरफुल इन्जिन यसका अन्य विशेषता हुन् । एनक्याप अष्टे«लियाले यसलाई क्रयास टेस्टमा ५ स्टारको रेटिङ दिएको छ ।

एमजी जीएसः एमजी जीएस एसयुभी हो । यसमा अटोमेटिक हेडल्याम्पदेखि क्रुज कन्ट्रोलसम्म रहेको छ । रियर पार्किङ सेन्सर र क्यामेरा, डीएबी रेडियो र ब्लुटुथ, छ । जीएस २.० लिटर इन्जिन, टर्बो ४ सिलिन्डरमा उपलब्ध रहेको छ । यो कारले ५३०० आरपीएममा २१८ बीएचपी पावर र २५०० आरपीएममा ३५० एनएम टर्क उत्पादन गर्छ । यो कार अल ह्वील ड्राइभ कार हो । यसमा ५५ लिटर क्षमताको फियुल ट्याङक दिइएको छ । यो एसयुभीको उचाई १६९९ एमएम रहेको छ भने यसको लम्बाई ४५०० एमएम रहेको छ ।

एमजी जेडएस : यो कारमा दिइएको ४ सिलिन्डर पेट्रोल इन्जिनले १०४ बीएचपी पावर र १४१ एनएम टर्क उत्पादन गर्छ । यसको उचाई १६४८ एमएम रहेको छ भने यसको लम्बाई ४३१४ एमएम रहेको छ । यसको ह्वीलवेस २५८५ एमएम रहेको छ । यसमा ४८ लिटर क्षमताको फियुल ट्याङक दिइएको छ ।

SHARE

तपाइको प्रतिक्रिया दिनुहोस्

कृपया आफ्नो टिप्पणी प्रष्ट गर्नुहोस्!
कृपया आफ्नो नाम यहाँ प्रष्ट गर्नुहोस्