सिटिजन्स बैंक इन्टरनेसनल लिमिटेडलाई मंगलबार इन्सटिच्युट अफ चार्टड एकाउण्टेनस अफ नेपाल (आइक्यान) द्वारा बैंकलाई बेष्ट प्रेजेन्टेड एनुअल रिपोर्ट अवाड प्रदान गरिएको छ ।

यसअघि पनि बैंकको वार्षिक प्रतिवेदनलाई उक्त पुरस्कारबाट पुरस्कृत गरिएको थियो । बैंकले आगामि दिनमा पनि उत्कृष्ट वार्षिक प्रतिवेदन प्रकाशन गर्ने तथा संस्थागत सुशाशनलाई थप पारदर्शी र प्रभावकारी बनाउने प्रतिबद्धता गरेको छ ।

उक्त बैंकको देशैभरी फैलिएका आफ्ना ७८ वटा शाखा, ७० वटा ए.टि.एम. र ९९ वटा शाखा रहित बैंकिङ्ग एकाईहरुबाट करिव तीन लाख पचास हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।

आफ्नो ग्राहकवर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैकास्योरेन्स, आस्वा, ड्राफ्ट, भिसा ए.टि.एम.कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ ।