मुक्तिनाथ विकास बैंकले देशै भरी आफ्ना शाखा सञ्जालहरु विस्तार गर्ने क्रममा रुपन्देही जिल्लाको तिलोत्तमा नगरपालिकामा आफ्ना दुई शाखा कार्यालय विस्तार गरेको छ । मुक्तिनाथ विकास बैंक लि.ले तिलोत्तमा नगरपालिका वडा नं. १, ड्राईभरटोल र वडा नं १५ कोटिहवामा क्रमशः ८१ औं र ८२ औं शाखा विस्तार गरेको छ ।
ड्राईभरटोल शाखाको समुद्घाटन लिोत्तमा नगरपालिकाका नगर प्रमुख वासुदेव घिमिरेले गरे ।

कार्यक्रममा ओमसतीया गाउँपालिकाका अध्यक्ष हीरा केवट (राहुल), तिलोत्तमा न.पा. वडा नं १५ का वडा अध्यक्ष खेमराज गुरुङ्ग लगायतले आफ्नो शुभकामना मन्तव्य राखेका थिए । कार्यक्रमका सभापति तथा बैंकका प्रमुख कार्यकारी अधिकृत प्रद्युमन पोखरेलले बैंकको वर्तमान अवस्था र सेवा विस्तारमा बैंकले लिने भावी रणनीतिको बारेमा जानकारी गराए ।