गरिमा विकास बैंक लिमिटेडले चालू आर्थिक वर्षको दोस्रो त्रैमासमा १८ करोड पाँच लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा १३ दशमलव १७ प्रतिशत बढी नाफा कमाएको हो । गत आर्थिक वर्षको दोस्रो त्रैमासमा गरिमाले १५ करोड ९५ लाख रुपैयाँ खुद मुनाफा आर्जन गरेको थियो ।

दुई अर्ब ५३ करोड ४८ लाख रुपैयाँ चुक्तापुँजी भएको बैंकको जगेडाकोष २४ प्रतिशतले घटेर ४६ करोड ९९ लाख रुपैयाँ पुगेको छ । निक्षेपमा ३०।१९ प्रतिशत वृद्धि गरी १७ अर्ब ४० करोड ७७ लाख ७९ हजार रुपैयाँ संकलन गरेको बैंकले कर्जातर्फ ३४।६३ प्रतिशतले वृद्धि गरी १५ अर्ब ७५ करोड ४९ लाख ७६ हजार रुपैयाँ लगानी गरेको छ । बैंकको संचालन मुनाफा २८ करोड तीन लाख तीन हजार रुपैयाँ र खुद व्याज आम्दानी ४३ करोड ७९ लाख २२ हजार रुपैयाँ पुगेको छ ।

यो अवधिमा ३४ लाख रुपैयाँ खराब कर्जा उठाएको बैंकले प्रोभिजनमा पाँच करोड ६० लाख रुपैयाँ राखेको छ । पुस मसान्तसम्ममा गरिमा विकास बैंकको निष्कृय कर्जा शुन्य दशमलव ४७ प्रतिशत, जोखिमयुक्त सम्पत्ति २१ दशमलव ३७ प्रतिशत, प्रतिसेयर आम्दानी वार्षिक १४ दशमलव २५ रुपैयाँ, मुल्य आम्दानीको अनुपात वार्षिक १३ दशमलव ६२ गुणा, प्रतिसेयर नेटवर्थ एक सय १८ दशमलव ५४ रुपैयाँ र तरलता अनुपात २७ दशमलव ९१ प्रतिशत रहेको छ ।