काठमाडौं, भदौं २०–

एएफसी एशियन कप फुटबलको छनौट खेलमा ताजकिस्तानसंग नेपाल २–१ गोल अन्तरले पराजित भएको छ । आज काठमाडौंमा भएको खेलमा नेपाल हार व्यहोर्दै प्रतियोगिताबाट बाहिरिएको छ ।

पहिलो हाफमा २–० गोल अन्तरले पछि परेको नेपालले दोस्रो हाफमा सुधारोन्मुख प्रदर्शन गर्दै अग्रता छोट्याएको थियो । स्ट्राईकर विमल घर्ती मगरले गोल गर्दै नेपालको आशा जिवितै राखेका थिए । तर थप गोल हुन नसकेपछि खेल ताजकिस्तानले जित्यो ।

प्रतियोगितामा यसअघि नेपाल एक खेलमा हार, एकमा बराबरी खेलेको थियो । ताजकिस्तान भने यसअघिका दुवै खेलमा पराजित भएको थियो ।