एनएमबि बैंकको २६औं बार्षिक साधारण सभा सम्पन्न, १५ प्रतिशत लाभांश पारितएनएमबि बैंकको २६औँ वार्षिक साधारण सभा सम्पन्न भएको छ । बैंकको सभा श्री त्रिभुवन आर्मी अफिसर्स क्लब, सुन्धारा, काठमाडौँमा पौष २२ गते, बिहिबार सम्पन्न भएको हो ।

एनएमबि बैंकको सञ्चालक समितिका अध्यक्ष पवन कुमार गोल्याणको सभापतित्वमा उक्त साधारण सभा सम्पन्न भएको हो । साधारण सभामा बैंकका शेयरधनीहरुले आ–आफ्नो विचार समेत ब्यक्त गरेका थिए ।

उक्त वार्षिक साधारण सभाद्धारा आ.व. २०७७/७८ को नाफाबाट हाल कायम चुक्त पूजीका १२.५० प्रतिशत बोनस शेयर र ३.३ प्रतिशत नगद लाभांश (बोनस र नगद लाभांशको कर प्रयोजनको लागी समेत) पारित गरेको छ । साधारण सभाबाट स्वीकृत बोनस शेयर पश्चात बैंकको चुक्ता पूँजी रु. १८ अर्व ३६ करोड पुग्ने जानकारी गराइएको छ । बैंकको २०७८ अषाढसम्ममा खुद नाफा २ अर्ब ७१ करोड, निक्षेप रु.१६६ अर्ब र कर्जा रु. १५८ अर्ब रहेको छ ।

बैंकले २०१७, २०१८, २०२० र २०२१ गरि चार पटक नेपालकै उत्कृष्ट बैंकको उपाधि ‘बैंक अफ दि इयर नेपाल’ प्राप्त गरि सकेकको छ ।

एनएमबि बैंकले हाल २०१ वटा शाखा, १३८ एटिएम र ९ विस्तारित सेवाद्धारा उच्चस्तरीय सेवा प्रदान गदै आईरहेको छ ।