नेपाल आयल निगममा ३ वर्षको कार्यकाल पुरा गरेर सुरेन्द्र पौडेल बाहिरिएका छन् ।

२०७५ साल पुसमा आयल निगमको कार्यकारी निर्देशकमा नियुक्त भएका पौडेलले कोभिडको कठिन समयमा पनि पेट्रोलियम पदार्थको सहज आपूर्ति गर्न सफल भएका थिए ।

उनको कार्यकालमा आयल निगम नाफामा समेत गएको थियो । पछि सरकारले पेट्रोलियम पदार्थमा उच्च कर लगाएको कारण निगम घाटामा जान थाल्यो । आयल निगममा आउनु अगाडि पौडेल उदयपुर सिमेन्टमा महाप्रवन्धक थिए ।

पौडेल उदयपुर सिमेन्टमा महाप्रवन्धक हुँदा पहिलो पटक सिमेन्ट उद्योग नाफामा गएको थियो ।