• होमपेज
  • समाचार
  • नबिल बैंकद्वारा हरितगृह ग्यास उत्सर्जन प्रतिवेदन सार्वजनिक

नबिल बैंकद्वारा हरितगृह ग्यास उत्सर्जन प्रतिवेदन सार्वजनिक

  • मङ्लबार, चैत्र १४, २०७९
नबिल बैंकद्वारा हरितगृह ग्यास उत्सर्जन प्रतिवेदन सार्वजनिक

नबिल बैंकले हरितगृह ग्यास उत्सर्जन प्रतिवेदन सार्वजनिक गरेको छ । बैंकको पूर्वाधार तथा परियोजना वित्तीय (आईपीएफ) डिभिजन अन्तर्गत बैंकको ऋण तथा लगानी पोर्टफोलियोबाट सन् २०२२ को प्रतिवेदन सार्वजनिक भएको छ ।

२०२१ मा कार्बन अकाउन्टिङ फाइनान्सियल (पीसीएएफ) हस्ताक्षरकर्ताहरू मध्ये एकको रूपमा नबिल बैंकले हस्ताक्षर गरेको प्रतिबद्धता अनुसार प्रतिवेदन सार्वजनि भएको हो ।

आईपीएफ पोर्टफोलियोमा ऊर्जा, सिमेन्ट, एयरलाइन्स, दूरसञ्चार सेवा र अन्य व्यवसायिक क्षेत्रहरूमा लगानी र ऋणको दायरा समावेश भएको बैंकले जनाएको छ । आईपीएफ डिभिजन अन्तर्गत बैंकको ऋण र लगानी पोर्टफोलियोबाट उत्सर्जन मापन गरिएको थियो । कार्बन उत्सर्जनको मूल्याङ्कनअनुसार सन् २०२२ को कुल उत्सर्जन ८०,६७१.३७ टन कार्बनडाइअक्साइड बराबर रहेको देखिएको प्रतिवेदनमा उल्लेख गरिएको छ।

यससँगै जलविद्युत र सौर्य ऊर्जामा भएको लगानीमा २१३१.८१ टन कार्बनडाइअक्साइड उत्सर्जनबाट बच्न सकिन्छ । नबिल बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले भने, ‘यो महत्त्वपूर्ण रकम भए पनि हामी हाम्रो कार्बन फुटप्रिन्ट घटाउन र हाम्रो पोर्टफोलियोलाई थप दिगो बनाउन सक्रिय रूपमा काम गरिरहेका छौं’ नबिल बैंक दिगो भविष्य निर्माणमा समर्पित रहेको बताउँदै उनले थपे, ‘यसका लागि सामूहिक पहल आवश्यक छ भन्ने हामीले बुझेका छौं । हामी विश्वास गर्छौं कि हाम्रा लक्ष्यहरू प्राप्त गर्न पारदर्शिता आवश्यक छ, किनकि हामी नेट-शून्य कार्बन फुटप्रिन्ट तर्फ हाम्रो प्रगतिमा नियमित अपडेटहरू प्रदान गर्न प्रतिबद्ध छौं।’

Facebook Comments

सम्बन्धित समाचार