उज्यालो संपद बचत तथा ऋण सहकारी संस्था लि.ले आफ्नो स्थापना एवं एकीकरण दिवसको सन्दर्भमा रक्तदान कार्यक्रमको आयोजना गर्ने भएको छ । ‘रक्तदान जीवन दान’ भन्ने नाराका साथ उक्त कार्यक्रम आयोजना गर्न लागेको हो ।

संस्थाको स्थापना एवं एकीकरण दिवसको सन्दर्भमा कागेश्वोरी मनोहरा नगरपालिका -४ मा अवस्थित सदस्य सेवा केन्द्र ब्रह्मखेल परिसरमा चैत्र ५ गते शनिबार रक्तदान कार्यक्रम आयोजना गरीएको संस्थाका अध्यक्ष रमेश प्रसाद तिमल्सिनाले जानकारी दिनु भयो ।

उक्त संस्थाले यस अधि पनि विभिन्न किसीमका समाजिक कार्य तथा नागरिकका सरोकारसंग सम्बन्धित विभिन्न किसिमका कार्यक्रमहरु संचालन गर्दै आएको छ । विभिन्न अस्पतालहरुमा ‘फ्रेस ब्लड’को अभावलाई मध्यनजर गर्दै रक्तदान कार्यक्रमको आयोजना गरिएको तिमल्सिनाको कथन थियो ।

एक थोपा रगतले मृत्यु शैयामा पुगेको मानिसको जीनव बच्न सक्ने भन्दै रक्तदान जस्तो पवित्र कार्यमा सहभागी हुन आफ्ना सबै सदस्यलाई आयोजक संस्थाले आग्रह गरेको छ ।

संस्थाको केन्द्रीय कार्यालय चावहिलमा अवस्थीत छ भर्ने नारायणटार र ब्रह्मखेलमा सदस्य सेवाकेन्द्र संचालन गदै आएको छ । संस्थाको कुल सदस्य संख्या २६ सय ६० जना, शेयर पुँजी ५ करोड १५ लाख, बचत निक्षेप ३४ करोड, ऋण लगानी ३८ करोड र कुल सम्पत्ति ४२ करोड ५० लाखको रहेको छ ।