उज्यालो संपद बचत तथा ऋण सहकारी संस्था लि.को स्थापना दिवसको अवसरमा आज नगरकोटमा एक दिने सदस्य शिक्षा कार्यक्रम नगरकोटमा सम्पन भएको छ ।

कार्यक्रममा वृहत रक्तदान एवं सदस्यहरुलाई सहकारी शिक्षा पनि दिएको थियो । करिब पाँच सय शेयर सम्मिलित उत्त कार्यक्रममा ५६ जनाले रक्तदान गरेका थिए । सदस्य शिक्षा कार्यक्रममा सदस्यहरुलाई सहकारी सम्बन्धि जानकारी, सहकारी संस्था संचालनको प्रक्रिया, विधी र यसको आवश्यकताका बारेमा जानकारी दिएको संस्थाका अध्यक्ष रमेश प्रसाद तिमिल्सिनाको भनाई छ ।

उज्यालो संपद बचत तथा ऋण साकोसले सामाजिक उत्तरदायित्व अन्र्तगत बार्षिक रुपमा रक्त्तदान कार्यक्रमको आयोजना गर्ने बताउछन् संस्थाका प्रमुख कार्यकारी अधिकृत नविन नेपाल ।

स्थापना दिवसको अवसरमा आयोजित कायक्रममा संस्थाले परिमानित सफ्टओएर संचालन गरेको जानकारी दिदैं यो सफ्टओएर संचालन पछि सम्पुर्ण शेयर सदस्यहरुले मोबाईल मार्फत कारोबार गर्न सक्ने बताउनु हुन्छ संस्थाका सचिब रत्न कार्की । वहाँ अनुसार हाल संस्थामा २४ सय ५३ जना सदस्यहरु रहेका छन । यी मध्ये नियमित मासिक बचत गर्ने १३ सय सक्रिय बचतकर्ता रहेका छन ।

साविकको उल्यालो बचत तथा ऋण सहकारी संस्था लि, संपद बचत तथा ऋण सहकारी संस्था लि र माकलबारी बचत तथा ऋण सहकारी संस्था लि संस्था एकीकरण पछिको पहिलो सदस्य शिक्षा कायक्रमको हो । संस्थाको केन्द्रिय कार्यालय चाबहिलमा अवस्थित छ भने जोरपाटीको नारायणटार र माकलबारीमा सदस्य सेवा केन्द्र संचालन हुदै आएको छ ।