बैंक तथा वित्तीय संस्थाको त्रैमासिक वित्तीय विवरण प्रकाशन गर्ने समय थप भएको  छ । बुधबार नेपाल राष्ट्र बैंकबाट अनुमति प्राप्त बैंक तथा वित्तीय संस्थालाई वित्तीय विवरण सार्वजनिक गर्ने अवधि थप गरिदिएको हो  ।

राष्ट्र बैंकले बुधबार जारी गरेको सूचना अनुसार अब बैंक वित्तीय संस्थालाई चालु आर्थिक वर्षको पहिलो त्रैमासको वित्तीय प्रतिवेदन कात्तिक मसान्तभित्र प्रकाशन गरे हुने बताएको छ ।

राष्ट्र बैंकबाट अनुमति प्राप्त क, ख र ग वर्षका वाणिज्य बैंक, विकास बैंक र फाइनान्स कम्पनीहरुको चालु आर्थिक वर्षको पहिलो त्रैमासको अन्तरिम वित्तीय प्रतिवेदन प्रकाशन गर्ने म्याद कात्तिक मसान्तसम्म कायम गरिएको जनाएको हो । तर, लघुवित्तहरुलाई भने राष्ट्र बैंकले त्रैमासको विवरण प्रकाशन गर्ने समय थप गरेको छैन ।

बैंक तथा वित्तीय वित्तीय संस्थाले हरेक त्रैमास अन्त्य भएको १५ दिन भित्र अन्तरिम वित्तीय प्रतिवेदन प्रकाशन गर्नु पर्ने व्यवस्था छ । अब वाणिज्य बैंक, विकास बैंक र फाइनान्स कम्पनीले पहिलो त्रैमासको वित्तीय विवरण सार्वजनिक गर्ने समय १५ दिन थप पाएका छन् ।