भर्खरै भएको चिनीयाँ ह्याकरहरुद्वारा नेपाली बैंकको एटिएम ह्याक प्रकरण पछि नेपाली वाणिज्य तथा विकास बैंकहरुले आफ्नो बैंकको एटिएम कार्डहरु आफ्नै बैंकका एटिएम मेसिनहरुमा मात्र चल्ने बनाएको छ ।

चिनीया ह्याकरहरुले नेपाली बैंक ह्याकिङ्ग गरेसंगै बैंकहरुको सहमतीमा नेपाल इलेक्ट्रोनिक पेमेन्ट सिस्टम (नेप्स)ले एउटा एटिएमकार्ड अर्को बैंकको एटिएममा नचल्ने बताएको छ । यस संस्थाका सीइओ प्रविण प्रकाश क्षेत्रीलाई प्रहरीले बयान लिन बोलाएसंगै निर्णय नेप्स गर्न बाध्य भएको स्रोतको दाबी छ ।

नेप्सले सूचना जारी गर्दै नेप्समा आवद्ध बैंक तथा वित्तीय संस्थाहरुको कार्ड सोही बैंकको एटिएममा मात्रै चल्ने जानकारी गराएको छ । यसै नेर्टवर्क मार्फत् विभिन्न बैंकले कार्डसँग सम्बन्धित होस्टिङ्ग र स्विचिङ्ग गर्दै आएका छन् । अहिले नेप्सको भिसा नेर्टवर्कमा नेपालका १८ बैंक आबद्ध छन्। जसमा ११ वटा वाणिज्य तथा ७ वटा विकास बैंक रहेका छन् ।

गत शनिबार एकाएक नेप्सको नेटवर्क्भित्र रहेका बैंकको एटिएम कार्डबाट सोही नेटवर्क भित्रकै बैंकबाट पैसा चिनीयाँ ह्याकरहरुबाट चोरी भएपछि नेपालको बैंकिङ प्रणालीको सुरक्षाको विषयमा प्रश्न उठेको छ ।
नेप्सको नेटवर्कमा प्रभु, सनराइज, माछापुच्छ्रे, जनता, सिद्धार्थ, सिटिजन्स इन्टरनेशनल, एनआइसी एसिया, बैंक अफ काठमाडौं, प्राइम कमर्सियल, नेपाल बंगलादेश र ग्लोबल आइएमइ बैंक आबद्ध रहेका छन् ।