आइतवार, बैशाख १६, २०८१
प्राइम लाइफको लोभलाग्दो प्रगति
- बुधबार, चैत्र २१, २०७४
नेपालका चर्चित उद्योगपतिहरूले स्थापना गरेको प्राइम लाइफ इन्स्योरेन्स कम्पनीले पूँजी वृद्धिसँगै प्रगतिको फड्को मारेको छ ।
पुराना बैंकर एवं बीमा विज्ञ मनोज कुमार भट्टराई प्राइम लाइफ इस्योरेन्स कम्पनीको सीइओ भएपछि कम्पनीले फड्को मारेको हो ।
भट्टराई सीइओ भएर गएपछि पूँजीवृद्धि र लगानीकर्तालाई राम्रो प्रतिफल दिएको प्राइम लाइफ इन्स्योरेन्स कम्पनीको लोभलाग्दो प्रगति पछि शेयर मूल्य पनि बढेको छ ।
बीमा समितिले २÷३ वर्ष अगाडि सुधारको लागि निर्देशन दिए लगतै मनोज भट्टराईले सीइओ पद सम्हालेका थिए ।
अत्यन्तै चुस्त व्यवस्थापन समूह निर्माण गरी भट्टराईले छोटो समयमै प्राइम लाइफ इन्स्योरेन्सको मुहार नैै फेरिदिए पछि लगानीकर्ता र बीमा समिति समेत छक्क परेको देखिन्छ ।
१६० प्रतिशत राइट शेयर दिइने भएको प्राइम लाइफ इन्स्योरेन्सले साधारण सभामा समेत आह्वान गरेको छ । राइट शेयरसँग पूँजी २ अर्ब पुग्ने प्रस्टै छ ।
विगतमा विवादमा फसेको प्राइम लाइफ इन्स्योरेन्स कम्पनीले छोटो समयमै लोभलाग्दो प्रगति सुरु गरेपछि सीइओ भट्टराईको सर्वत्र चर्चा चुलिएको देखिन्छ ।
भनिन्छ, गरेपछि जो पनि सफल हुन्छ । यस्तै बनाइदिए बैंकर एवं बीमा विज्ञ भट्टराईले प्राइम लाइफ इन्स्योरेन्सलाई पनि ।
Facebook Comments
