दर्जनौ बैंक र बित्तीय क्षेत्रमा ठगी अनैतिक आर्थिक कारोबार, निर्दाेष सर्वसाधारण फसाउने काम सिईओ र सञ्चालकद्वारा बैंक लुट्ने काम भएको समाचार बाहिर आएका छन् । बैंक र बित्तीय क्षेत्रको निगरानी गर्ने निरीक्षण गर्ने गल्ती भए कारवाही गर्ने (रेगुलेटर) निकाय नेपाल राष्ट्र बैंक किन भित्री रुपमा छानविन अगाडि बढाउँदैन ? यो अब आम सञ्चार माध्यामले खोजीको विषय बनाउनु जरुरी भएको छ ।

विओके, एनबी बैंक, सिभिल बैंक, कृषि विकास बैंकमा रकम चोरी, निर्दोष महिला फसाउने काम र जताततै दिनदहाडै कमिशनको खेल भएपनि नेपाल राष्ट्र बैंक स्थलगत निरीक्षण पनि गर्देन । यो कस्तो रेगुलेटर संस्था हो ? अर्थमन्त्री कहाँ छन् ? सिंगो सरकार कहाँ छ ?

सबैलाई थाहा नै छ नेपाल राष्ट्र बैंकका गर्भनर डा.चिरनजीवि नेपाल बैंकहरुका शाखा उद्घाटन गर्न र विदेश भ्रमण जान भ्याइनभ्याई छ । यति मात्रै होइन हिमालयन बैंक र ग्लोबल बैंकका विदेश अष्टे«लिया र लण्डनका शाखा उद्घाटन गर्न गर्भनर डा. नेपाल नै पुगे । त्यहाँ मिठो मोज मस्ती हुने भएकाले उनी उतै व्यस्त देखिन्छन् ।

उनी हाल लण्डनमा छन् । तर दुई जना लक्ष्मी शर्मा र सुरिखा कार्कीको आफ्नोनै नाम थाहा नै नपाई बैंक अफ काठमाण्डूले तीन पुस्तेसहित कालो सूचिमा राखी पत्रिकामा निकालेपछि घर र घाटको भई रोइ कराई गरिरहेका छन् । राष्ट्र बैंकमा उजुरी दिएका छन् । गर्भनर डा. नेपाल बैंकहरुलाई सानो स्पष्टिकरण पनि सोधेनन् । कारवाहीको त कुरै जाओस् । यो कस्तो रेगुलेटर संस्था हो ? अर्थमन्त्रीज्यू ! तपाइँको गर्भनर यो देशको राजा हो कि कसो ? जे गर्न पनि छुट ?

गर्भनर भएदेखि मोजमस्ती गर्न पल्केका डा. नेपाल किन बैंक र बित्तीय क्षेत्रलाई कारवाही गर्दैनन् दोषीलाई किन अनुभूति दिन्छन् । यो प्रश्न गम्भीर बन्दै गएको छ ।

एउटा शाखा उद्घाटन गर्ने काम गर्भनरको हो कि राष्ट्रको अर्थतन्त्र चलायमान बनाउने र बैंक र बित्तीय क्षेत्रलाई निगरानी बढाउने काम हो ? यो आम सञ्चार माध्यामलाई कसले बुझाउने हो । विओके, सिभिल, कृषि विकास र एनबी बैंक लिमिटेड भित्र भएका दर्जनौ काण्डहरुको जिम्मा अब गर्भनर डा.नेपालले लिनु पर्दछ । होइन भने सञ्चार माध्याममा आएका कुरा के हुन् छानविन, स्थलगत रुपमै गरी जनता सामु ल्याउने काम गर्नुपर्दछ कि पर्दैन ?

कुरा सधै ठूला गर्ने तर काम नगर्ने यस्ता गर्भनर डा.नेपाल अब राष्ट्र बैंकलाई चाहिएको छैन । कमिशन आउने खेलमा सधैं लाग्ने जनताको दुःख पीर के हो ? कार्की र शर्मा जस्था पीडित महिलाको यथार्थ के हो बुझ्ने काम गर्भनरको हो कि होइन ? एनसेलको पैसा रातारात विदेश लैजाने स्वीकृति दिने गर्भनर साब यो देश सबै नेपालीहरुको देश हो ।

राष्ट्र बैंक जीवनभर तपाइँको पेवा होइन, चाँडो भन्दा चाँडो लक्ष्मी शर्मा र सुरिखा कार्कीको कथा के हो ? बैंक अफ काठमाण्डूसँग स्पस्टिकरण लिई छानविन गरी तत्कालै बाहिर आहोस् । एनबी बैंक छानविन होस् नत्र जनता फेरि तपाइँ बिरुद्ध सडकमा आउने सक्नेछन् ख्याल होस् ।

राष्ट्र बैंक भित्र व्यक्तिवादी निर्णय गर्ने प्रचलन बढेको छ । बैंकर अनिल शाहलाई लक्षित गर्ने जुन निर्णय भए समय ६ महिना पुगेपछि अन्य बैंकमा जाने यस्था निर्णयले बैकिङ क्षेत्र तहसनहस हुन सक्दछ ।

राष्ट्र कैंकको पछिल्लो निर्णयले नविल बैंक सञ्चालक समितिले हालै अनिल शाहको सिईओ नियुक्त खारेज गरेको छ । र नयाँ सिइओ खोज्ने भएको छ । दूरगामी असर गर्ने निर्णयले गर्दा जनताको पैसा डुब्ने हो कि भन्ने हेक्का राख्नु जरुरी देखिन्छ, गर्भनर साब ।