एजेन्सी,कार्तिक २३

आमा बन्नु प्राय सबै महिलाका लागि गर्भको कुरा हो । तर कतिपय महिलाको जीवनमा यो प्रक्रिया समान्य हुँदैन । आफ्नो पेटमा ६० वर्षअघि देखि गर्भ रहेको कुरा थाहा नपाउँदा यी महिलालाई कस्तो महसुस भयो होला ?

चिलीको ला बोकामा बस्दै आएकी ९३ वर्षीया एस्टेलाले आफ्नो पेटमा रहेको बच्चाका बारेमा जीवनभर थाहा पाइनन् । वास्तवमा उनी ४१ वर्षको हुँदा गर्भवती भएकी रहिछन् । तर उनले यसबारेमा थाहा पाइनन् । धेरै महिना पुगेपछि उनको केही कारणवश गर्भपतन भएको थियो तर उनले थाहा नपाएकाले मरेको बच्चा उनको पेटमै रहिरह्यो । यसपछि उनी कहिल्यै गर्भवती भइनन् । तर २०१५ मा गम्भीर बिरामी भएपछि उनको पेट पनि जोडले दुख्न थाल्यो । चिकित्सकले एक्स–रे गरिसकेपछि पहिले त उनको रिपोर्ट हेरेर पाठेघरमा ट्युमर पलाएको बताए । तर उपचार गर्दै जाँदा अन्त्यमा चिकित्सकहरुले उनको पेटमा ढुङ्गा जस्तो देखिएको वस्तु ट्युमर नभएर ६० वर्ष पहिले गर्भमै मरेको बच्चा भएको थाहा पाए । सो बच्चा सुकिसकेको थियो र उनको पाठेघरमै बसेको थियो । पाठेघरमै बसेको हुनाले उनको स्वास्थ्यम यत्तिका वर्षसम्म त्यसले केही हानि नपुर्याएको डाक्टरले बताए । तर यसबारेमा थाहा पाइसकेपछि उनले भने विश्वास गर्न सकिनन् ।
कतिपय मानिसले यो कुरामा विश्वास नगरेपनि विज्ञानको भाषामा यसलाई लिथोपीडियन भनिन्छ र यो वास्तविक जीवनमा कोहीकोहीसँग मात्र हुने गर्छ । यस्तो अवस्थामा बच्चा गर्भमै मरिसकेपछि ठूलो हुँदै जान्छ र शरीरबाट सजिलै बाहिर निस्कन सक्दैन । यो बच्चा गर्भाशयमै बसिरहने भएकाले यसले शरीरलाई गम्भीर हानि पुर्याउँदैन । तरपनि धेरै लामो समय भएपछि चाहिँ जोडसँग पेट दुख्न थाल्छ ।
यसबारेमा एस्टेलाले भने धेरै दुःख व्यक्त गरेकी छन् । ६० वर्षदेखि थाहा नपाएको आफ्नो बच्चालाई गुमाएकोमा उनलाई निकै पुछुतो लागेको बताइन् । उनलाई धेरै पटक पेट दुखिरहँदा पनि उनले त्यति वास्ता नगरेको र यत्तिका वर्षसम्म केही थाहा नपाएको बताएकी हुन् ।