• होमपेज
  • Uncategorized
  • भरतपुर अस्पताललाई केन्द्रीय अस्पताल बनाउने तयारी

भरतपुर अस्पताललाई केन्द्रीय अस्पताल बनाउने तयारी

  • मङ्लबार, कार्तिक २१, २०७४
भरतपुर अस्पताललाई केन्द्रीय अस्पताल बनाउने तयारी

चितवन, कार्तिक २१–

स्वास्थ्य मन्त्रालयकी सचिव डा.किरण रेग्मीले भरतपुर अस्पताललाई केन्द्रीय अस्पतालको रुपमा स्तरोन्नती गर्न लागेको बताउनुभएको छ ।

अस्पतालले दिएको सेवा प्रभावकारी भएको मूल्यांकन गर्दै उहाँले अस्पतालको विकासको लागि मन्त्रालयले प्राथमिकतामा राखेको बताउनुभयो । भरतपुर अस्पतालको निरीक्षण पछि अस्पतालको सेवा सन्तोषजनक रहेको र अस्पतालको विकासमा मन्त्रालयले उच्च प्राथमिकताका साथ काम गर्ने प्रतिबद्धता जनाउनुभएको डा.रेग्मीलाई उदृत गर्दै अस्पतालका सूचना अधिकारी गोपालप्रसाद पौडेलले बताउनुभयो ।

सचिव रेग्मी ६ वर्षअघि भरतपुर अस्पतालमै कार्यरत हुनुहुन्थ्यो । अस्पतालका मेसु डा. रुद्रप्रसाद मरासिनीले अस्पतालको विद्यमान अवस्था वारे जानकारी गराउनुभयो । डा.रेग्मीलाई भरतपुर अस्पतालका चिकित्सक तथा कर्मचारीले स्वागत गरेका थिए ।

सोही कार्यक्रममा बोल्दै स्वास्थ्य मन्त्रालयका चिकित्सा महाशाखा प्रमुख विशेषज्ञ डा.भोलाराम श्रेष्ठले अस्पतालको स्तरोन्नतीसंगै एमआरआई मेसिनको लागि प्रक्रिया अघि बढाईएको जानकारी दिनुभयो ।

Facebook Comments

सम्बन्धित समाचार