काठमाडौं,कार्तिक २०-

एनआईसी एशिया बैंकले झापाको गौरादह नगरपालिका वडा नम्बर ३ र सुनसरीको इटहरी उप महानगरपालिका वडा नम्बर २० तरहरामा नयाँ शाखा स्थापना गरेको छ। सोमबार गौरादह नगरपालिकाका मेयर रोहित कुमार शाहले गौरादह शाखा र इटहरी उप महानगरपालिकाका मेयर द्वारिकलाल चौधारीले तरहरा शाखाको उद्घाटन गरेका हुन्।

शाखा सञ्जाल, पूँजी संरचना, वासलातको आकार, ग्राहक संख्याको आधारमा एनआईसी एशिया बैंक निजी क्षेत्रको अग्रणी बैंकहरु मध्ये एक हो। गौरादह र तरहरा शाखाको उद्घाटनसँगै यो बैंकले देशभर आफ्ना शाखा कार्यालयको संख्या १३३ पुर्याएको छ। आफ्ना १४१ एटिएम काउन्टरबाट ग्राहकले सेवा लिँदै आएको बैंकले जनाएको छ।

बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा स्थापना गर्ने जनाएको छ।