चितवन,कार्तिक १८-

धान झार्ने क्रममा थ्रेसरमा बेरिएर शुक्रबार चितवनको रत्ननगरमा एक जनाको मृत्यु भएको छ। रत्ननगर नगरपालिका– १५ स्थित माधवपुरमा नारायण न्यौपानेको खेतमा धान झार्दै गर्दा थ्रेसरमा परेर शुक्रबार अपराह्न तीन बजे मजदुरको मृत्यु भएको हो। उक्त घटनामा परी कालिका नगरपालिका– ६ बस्ने २९ वर्षका तपनबहादुर थापामगरको ज्यान गएको चितवनका प्रहरी नायव उपरीक्षक शिव शर्मा आचार्यले जानकारी दिए।

धान झार्ने क्रममा एक्कासि कपडा मेसिनमा बेरिँदा उक्त घटना भएको प्रहरीले जनाएको छ। उनको शवलाई अहिले भरतपुर अस्पताल ल्याउनका लागि प्रहरीको टोली घटनास्थलमा पठाइएको छ। घटनाको अनुसन्धान भइरहेको प्रहरी नायव उपरीक्षक शर्माले बताए।