चितवन, कार्तिक १–

पूर्वी चितवनको रत्ननगर–१४ मा रहेको लौरीघोल युवा क्लबको आयोजनामा खुल्ला रक्तदान कार्यक्रम सम्पन्न भएको छ । कार्यक्रममा ६ महिलासहित ५० जनाले रक्तदान गरेको क्लबका सचिव अश्विन पण्डितले जानकारी दिए ।

पछिल्लो समय देखिने रगत अभावको समस्यालाई निर्मुल पार्न क्लबको सामाजिक दायित्वअन्तर्गत रक्तदान कार्यक्रम आयोजना गरिएको उनले बताए । क्लबका अध्यक्ष बिकास रानाभाटको अध्यक्षतामा भएको कार्यक्रममा माधवप्रसाद पण्डित प्रमुख अतिथि रहेका थिए । कार्यक्रममा सहभागिहरुले दिपावलीको अवसरमा शुभकामना आदान–प्रदान समेत गरेका थिए ।