काठमाडौं,असोज ३१ –

डा. बाबुराम भट्टराई नेतृत्वको नयाँ शक्ति पार्टी नेपालले आगामी मंसिर १० र २१ गते हुने प्रदेशसभा र प्रतिनिधिसभाको चुनावमा नेपाली कांग्रेससँग देशैभर चुनावी तालमेल गर्ने तयारी गरेको छ ।

सोमबार साँझ बालुवाटारमा कांग्रेस नेताहरुलाई भेटी संयोजक भट्टराईले प्रतिनधिसभा निर्वाचनको लागि नयाँ शक्तिले १५ सिट पाउनुपर्ने गरी चुनावी तालमेलको प्रस्ताव राखेका छन् । भट्टराईको प्रस्तावलाई कांग्रेसका नेताहरुले सकारात्मक रुपमा लिएको बताउँदै कांग्रेससँग देशैभर चुनावी तालमेलको प्रयास भइरहेको नयाँ शक्ति पार्टी नेपालका प्रवक्ता केशव दाहालले जानकारी दिए ।

उनलका अनुसार नयाँ शक्ति र कांग्रेसबीच केन्द्रमा १५ र प्रदेशमा ३० सिट मिलाएर जाने दुवै पार्टीबीच छलफल भइरहेको छ ।
गोरखा क्षेत्र नम्बर १ र २ मा भने कांग्रेस र नयाँ शक्तिबीच चुनावी तालमेल निश्चित भइसकेको छ । दाहालले देशैभर नयाँ शक्ति र कांग्रेसबीच चुनावी तालमेल भएको खण्डमा लिखित सहमति हुने जानकारी पनि दिए ।