काठमाडौं, भदौ २८ –

प्राईम लाईफ इन्स्योरेन्स कम्पनी (Prime Life Insurance Co. Ltd.) ले एक साथ चार वर्षको साधारणसभा सम्पन्न गरेको छ । कम्पनीले आर्थिक वर्ष २०६९/७०, २०७०/७१, २०७१/७२ र २०७२/७३ गरी चार आर्थिक वर्षको साधारण सभा गरेको हो ।

भदौ २७ गते सम्पन्न सभाले शेयरधनीलाई २५ प्रतिशत बोनस शेयर दिने प्रस्ताव पारित गरेको छ । सभाले चुक्ता पूँजीको २५ प्रतिशत अर्थात एक अर्ब २२ करोड चार लाख रुपैयाँको बोनस तथा कर प्रयोजनका लागि ५७ लाख २८ हजार ९८२ रुपैयाँ नगद लाभांश वितरण गर्ने सञ्चालक समितिको प्रस्ताव पारित गरेको हो ।

त्यस्तै सभाले बोनस बितरण पश्चात कायम हुने पूँजीको एक सय ६० प्रतिशत हकप्रद निष्काशनको प्रस्ताव साधारण सभाबाट पारित गरेको छ । हाल कम्पनीको चुक्ता पूँजी ४८ करोड ८१ लाख रुपैयाँ छ ।