दुष्यन्त चौधरी,
बारा, भदौं २५–

प्रदेश नं.२ मा तेस्रो चरणको स्थानीय तहको निर्वाचन नजिकिदै गर्दाहरु दलहरु निर्वाचनको प्रचार–प्रसार कार्यक्रमलाई तिव्रता दिएका छन् । यसैक्रमा नेकपा एमालेले बारा जिल्लामा प्रचार अभियानलाई तिव्रता दिएको छ ।

बाराको देवताल गाउँपालिकामा एमालेले मोटरसाइकल र्‍याली संगै घरदैलो कार्यक्रम गरेको छ । देवताल गाउँपालिकाका अध्यक्षका उम्मेदवार विजय पाण्डे तथा उपाध्यक्षका उम्मेदवार रिनाकुमारी रामसहितको मोटरसाइकल र्‍यालीसहित घरदैलो गर्दै पिप्राढीमा कोण सभा गरेका थिए ।

कोणसभामा पूर्व खेलकुद मन्त्री तथा बारा जिल्ला निर्वाचन क्षेत्र नम्बर ६ का सांसद पुरूषोतम पौडेलले जिल्लाका १६ वटा तहमा नेकपा एमालेले नै जित्ने दावी गरेका छन्। नेकपा एमालेका पक्षमा जन लहर सृजना भएकाले प्रदेश नम्बर २ मा समेत एमालेले नै जित्ने दावी गरे। साथै सबैले मिलेर देश विकास तर्फ लाग्नु पर्नेमा उनले जोड दिए ।

अध्यक्षका उम्मेदवारसहित नेकपा एमालेका कार्यकार्ताहरूले गाउँपालिका अन्तरगत रहेका रम्पूर्वा, जब्का, पिप्राढी, दक्षिण झिटकैया, गम्हरीया, पिपरपाति, आमवालगायतका स्थानमा गाउँ परिक्रमा गरेका थिए ।

कार्यक्रममा नेकपा एमालेका जिल्ला अध्यक्ष सुन्दर विक, जिल्ला उपाध्यक्ष देवनारायण चौधरी, प्रचार–प्रसार विभाग प्रमुख मनोज पौडेल, सचिवालय सदस्य विध्या थापा, प्रदेश नम्बर २ का सदस्य सिता गुरूङ, वडा अध्यक्षका उमेदवार कौशल किशोर सिंह, संजय पटेल लगायतको सहभागिता रहेको थियो ।