नेपालका ८ अर्ब चुक्ता पूँजी भएको ग्लोबल आईएमई बैंक र जनता बैंक नेपाल बीच एक आपसमा गाभिने सम्झौता पत्रमा हस्ताक्षर भएको छ । दर्जनौ नयाँ बैंकसंग कुरा भएपनि ग्लोबल आईएमई बैंकका अध्यक्ष चन्द्रप्रसाद ढकालले किन रोजे जनता बैंक नेपाल लिमिटेड यसको भित्री रहस्य फरक भेटिएको छ ।

विचार मिल्ने
नेपालको सबै क्षेत्रमा राजनीतिले छोएको छ । बैंकहरुमा पनि अहिले बिचार मिल्नेहरु बीच नै मर्जर हुने संकेत देखिन्छ । अध्यक्ष ढकाल नेकपासंग नजिकका व्यापारी हुन । जनता बैंकमा त अर्थमन्त्री डा.युवराज खतिवडाकै लगानी छ । यी दुबै बैंकका सबै जस्तो सञ्चालक नेकपासंग आवद्ध भएका कारण बिचारले काम गरेको विज्ञहरुको ठम्याई छ ।

सिइओ दिने अध्यक्ष लिने
चन्द्रप्रसाद ढकाललाई ठूलो बैंकको अध्यक्ष बन्ने चाहाना थियो । यो अब पूरा भएको छ । उनीले विगत ६ महिना देखि सीइओ नियुक्ति नगरी मर्जर पछि जनता बैंकका सीइओ पर्शुराम कुँवर क्षेत्रीलाई ग्लोबल आईएमई बैंकको सीइओ बनाउने र आफू अध्यक्ष बन्ने भएका छन् । कुँवर सिनियर भित्रका पनि सिनियर सीइओहरुमा पर्दछन् ।

सञ्चालक हटाउन सजिलो
ग्लोबल आईएमई बैंकमा २ जना अध्यक्ष ढकालको तर्फबाट सञ्चालक छन् । उनीहरुलाई हटाएर जनता बैंकबाट २ जना राख्ने भएका छन् । यसले पनि मर्जरमा मद्दत पुगेको देखिन्छ ।

कर्मचारी मिलानमा समस्या
जनता बैंक र ग्लोबल आईएमई बैंकका गरि ३१०० कर्मचारी छन् । पद मिलान र व्यवस्थापनमा समस्या देखिने प्रस्टै छ । यसलाई उच्च सतर्क साथ मिलाउन सीइओ कुँवर र अध्यक्ष ढकाल माथी चुनौती पक्कै छन् ।

बरिष्ठ डेपुटी सिइओमा महेश ढकाल हुनेछन् । सम्पति तथा दायित्व मूल्यांकनपछि शेयर आदान प्रदान अनुपात कायम गरिने भएपनि प्रारम्भिक मूल्यांकनमा जनतालाई एक शेयर बराबर ८५ रुपैयाँ हाराहारी दिने सहमति भएको देखिन्छ ।
ठूलो बैंकको अवधारणा अनुसार ग्लोबल आइएमइ राम्रो साझेदार भेट्टाएकाले मर्जरमा जाने सहमति भएको ग्लोबल आईएमईका अध्यक्ष ढकालले बताए । राजतिलक साप्ताहिक