प्राइम लाइफ इन्स्योरेन्स कम्पनी लिमिटेड (Prime Life Insurance Co. ltd.) ले तेस्रो त्रैमासमा खुद मुनाफा १६ करोड ३६ लाख रुपैयाँ कमाएको छ, जुन गत वर्षको सोहिअवधिको तुलनाभन्दा १४ दशमलव ३३ प्रतिशतले वृद्धि गरेको हो । अघिल्लो वर्षको सोहिअवधिमा नाफा १४ करोड ३१ लाख रुपैेयाँ कमाएको थियो ।

१ अर्ब ७८ करोड ४८ लाख रुपैयाँ चुक्ता पूँजी रहेको कम्पनीको जगेडा कोषमा १ अर्ब ११ करोड ९ लाख रुपैयाँ, जीवन बीमा कोषमा ८ अर्ब १४ करोड र महाबिपत्ती कोषमा १० करोड ८६ लाख रुपैयाँ सञ्चित छुटाएको छ ।

प्राइम लाइफले आम्दानी २६ करोड ४६ लाख रुपैयाँ आर्जन गरेको छ भने खर्च १० करोड ९ लाख रुपैयाँ गरेको छ ।
कम्पनीको खुद बीमा शुल्क आर्जन १ अर्ब ८७ करोड ३ लाख रुपैयाँ गरेको छ भने खुद दाबी भुक्तानी २७ करोड ३१ लाख रुपैयाँ गरेको छ ।

बीमाले हाल सम्म १४ अर्ब १३ करोड कूल बीमा शुल्क आर्जन गरेको छ । कम्पनीले १ हजार ६५१ दाबी बापत कूल ३४ करोड ८६ लाख रुपैयाँको दाबी भुक्तानी गरेको छ भने ४० दाबी बापत १ करोड ४८ लाख रुपैयाँ भुक्तानी हुन बाँकी छ । कम्पनीले हालसम्म १६ लाख ७३ हजार भन्दा बढी बीमालेख जारी गरेको छ ।

प्राइम लाइफको प्रतिशेयर आम्दानी १२ दशमलव २३ रुपैयाँ, प्रतिशेयर नेटवर्थ १६८ दशमलव ३३ पैसा र मूल्य आम्दानी अनुपात ३७ दशमलव ६२ गुणा छ ।