बीमा कम्पनी स्थापना भई सञ्चालन भएको एक महिना भित्रै करोडभन्दा माथि नाफा कमाएको समाचार सार्वजनिक भए । हेर्दा अचम्म लाग्ने, देख्दा छक्क पर्ने प्रगति विवरण बाहिर आएपछि यी नाफा सक्कली कि नक्कली हुन् भने चर्चा फेरि सुरु भएको छ ।

निर्जीवन बीमा कम्पनीहरूले मात्रै असार मसान्तमा २२ अर्ब ३५ करोड नाफा कमाएका समाचार बाहिर आएका छ । ती कम्पनीहरूले सार्वजनिक गरेका विभिन्न विवरणमा अग्नि बीमाबाट ४ अर्ब २९ करोड ३२ लाख ५१ हजार, मोटर बीमाबाट ८ अर्ब ९७ करोड ८४ लाख २४ हजार, सामुद्रिक बीमाबाट ३ अर्ब १४ करोड १४ लाख ६८ हजार, हवाई बीमाबाट ९ करोड ८२ लाख ४४ हजार, इन्जिनिरयरिङ बीमाबाट २ अर्ब २९ करोड ८५ लाख ९० हजार, कृषि बाली बीमाबाट ५ कारोड ४२ लाख ७६ हजार र अन्य विविध बीमाबाट २ अर्ब १९ करोड ५५ लाख ६३ हजार रुपैयाँ बीमा शुल्क आर्जन गरेको देखिन्छ ।

त्यस्तै, असार मसान्तसम्ममा भुक्तानीको लागि ८२ हजार सात सय ८६ वटा दाबी परेकोमा ६६ हजार नौ सय २६ वटा दाबीको भुक्तानी भइसकेको छ ।

असार मसान्तसम्मको विवरण अनुसार कुल १५ हजार ८ सय ६० वटा दाबीको भुक्तानी गर्न बाँकी रहेको बीमा समितिको अभिलेखमा देखिन्छ । यसरी रातारात नाफा कमाउने बीमा कम्पनीहरूको नाफामै शंका देखिन्छ ।

प्रतिस्पर्धाको होडबाजी गर्दै नाफा देखाउँदै बजारमा अगाडि आएका यी बीमा कम्पनीको नाफा सक्कली कि नक्कली हो छानबिन हुनु जरुरी छ कि छैन यो खोजीको विषय बनेको छ ।