मेगा बैंकले साढे १२ प्रतिशत व्याज दिनेगरी आकर्षक मुद्दती खाता योजना ल्याएको छ। साथै दुई दुई वटा आकर्षक बचत खाता योजनाहरु पनि ल्याएको छ।

‘मेगा राइजिङ मुद्दती खाता’ न्यूनतम १ लाख रुपैयाँमै खोल्न सकिने छ भने मासिक भुक्तानी हुनेगरी बार्षिक १२.५ प्रतिशत ब्याज पाइनेछ। यस योजनामा ग्राहकहरुलाई निक्षेपको ९० प्रतिशत सम्म ओभरड्राफ्ट सुविधा दिइने बैंकले जनाएको छ।

‘मेगा राइजिङ बचत खाता’ न्यूनतम १० हजार रुपैँयामै खोल्न सकिने छ। यो खातामा त्रैमासिक रुपमा भुक्तानी हुने गरी बार्षिक ८.५० प्रतिशत ब्याज पाइनेछ। यो योजनामा ग्राहकहरुका लागि चेकबुक, अकाउन्ट स्टेटमेन्ट, सि–आस्बा सेवा निःशुल्क बनाइएको छ । यस्तै, दुई लाख रुपैँयासम्म एबीबीएस सेवा निःशुल्क गरिएको बैंकले जनाएको छ।

त्यस्तै ‘मेगा कर्पोरेट बेनिफिट बचत खाता’ योजनामा त्रैमासिक रुपमा ब्याज भुक्तानी हुने गरी बार्षिक ८।२५ प्रतिशत ब्याज दिइने बैंकले जनाएको छ।

यो खाता एक हजार रुपैँयामै खोल्न सकिने र चेकबुक, मेगा अनलाइन बैंकिङ, भिसा डेबिट कार्ड, अकाउन्ट स्टेटमेन्ट, सि–आस्बा सेवा निःशुल्क पाइनेछ। यस्तै, दुई लाख रुपैँयासम्म एबीबीएस सेवा पनि निःशुल्क गरिएको छ ।