चितवन, भदौं २८–

चितवनको भरतपुरमा ‘मेयर कप’ अन्तर वडा टि–ट्वान्टी क्रिकेट प्रतियोगिता हुने भएको छ । भरतपुर क्रिकेट क्लबको आयोजनामा असोज १ गतेदेखि कार्तिक ११ गतेसम्म भरतपुरको नौविगाहास्थित खेल मैदानमा प्रतियोगिता हुन लागेको हो ।

आयोजक भरतपुर क्रिकेट क्लबले आज भरतपुरमा पत्रकार सम्मेलनको अयोजना गरी प्रतियोगिताको तयारी तिव्र पारेको जानकारी दिएको छ । प्रतियोगितामा सहभागिताका लागी सबै वडामा पत्रचार गरिएको क्लबका अध्यक्ष अनिल अधिकारीले जानकारी दिए । प्रतियोगितामा बढीमा २४ टिमको सहभागिता रहने उनले बताए । प्रतियोगितमा १० हजार टिम दर्ता शुल्क लाग्ने अधिकारीले बताए ।

प्रतियोगिताले भरतपुरको क्रिकेट विकासमा महत्वपूर्ण योगदान दिने क्लबका सल्लाहकार मित्रनिधि तिवारीले बताए । प्रतियोगितामा प्रथम हुने टिमलाई नगद ५० हजार, द्धित्तिय हुनेलाई नगद २५ हजार प्रदान गरिने आयोजकले जनाएको छ ।