काठमाडौं,भदौ १७ –

नेपाली कथानक चलचित्र ‘छक्का पञ्जा–२’ को पोस्टर सार्वजनिक भएको छ । ‘छक्का पञ्जा–२’ का निर्माता तथा कलाकार दीपकराज गिरीले आफ्नो फेसबुकबाट अफिसियल पोस्टर सार्वजनिक गरेका हुन् ।सार्वजनिक पोस्टरमा चलचित्रका मुख्यक कलाकारहरु देखिन्छन् ।

चलचित्रमा रहेका दुई गीतहरु सार्वजनिक भइसकेका छन् । दुवैलाई दर्शकले रुचाएका छन् । सार्वजनिक पोस्टरमा चलचित्रका सबै जसो मुख्य कलाकारहरु समावेश छन् । असोज ११ गते प्रदर्शन हुन लागेको छक्का पञ्जा २ मा प्रियंका कार्की, दिपकराज गिरि, बर्षा राउत, स्वस्तिमा खड्का, स्वरूपपुरुष ढकाल, जितु नेपाल, केदार घिमिरे माग्ने बुढा लगायतका कलाकारको अभिनय रहेको छ ।

यस्तै चलचित्रको ट्रेलर पनि यसै हप्ता सार्वजनिक हुने दिपकराज गिरीले फेसबुक मार्फत बताएका छन् । यसै साता ट्रेलर सार्वजनिक हुने भनिएको चलचित्रका दुइटा गीतहरु सार्वजनिक भइसकेका छन् ।