सुन्दा पनि अचम्म लाग्ने हेर्दा घिन लाग्ने काम एनआईसी एशिया बैंकले गर्दै आएको एउटा दुखद एवं पीडादायी घटना हामीले प्राप्त गरेका छौं । जिल्ला अदालत सुर्खेतबाट रोक्का गरिएको जग्गा एनआईसी एशिया बैंकले अदालतलाई चुनौती दिँदै मालपोत कार्यालयका प्रमुखसंग मिलिभगत गरि विक्री गरेको छ भन्दा अब फरक पर्दैन । व्यवसायी प्रकाश उप्रेती र उनीकी श्रीमती अर्चना उप्रेतीको नाममा रहेको जग्गा रातारात एनआईसी एशिया बैंकले मालपोत कार्यालयका कर्मचारीसंग मिलोमतो गरी देवीराम पौडेललाई विक्री गरेको भेटिएको छ । उक्त जग्गा जिल्ला अदालत सुर्खेतबाट रोक्का गरिएको थियो भन्दा अब फरक पर्दैन ।

रोशन कुमार न्यौपाने सीइओ र तुलसी राम अग्रवाल अध्यक्ष रहेको विवादमा फस्दै आएको एनआईसी एशिया बैंकमा उप्रेती दम्पत्तीको नाममा रहेको साबिक जर्बुटा गाउँ विकास समिति वडा नम्बर १ क कित्ता नम्बर २०४० को क्षेत्रफल ०–०–१५ (बिगाह) र सोही वडाको १ ख कित्ता नं. ८३५, १८६५, १४०१, १८६६ र १८६३ को क्षेत्रफलहरू क्रमशः ०–१–१०–०, ०–०–८–१, ०–०–१६–१, ०–०–११–३ र ०–०–८–१ (बिगाह) जग्गालाई सुर्खेत जिल्ला अदालतले २०७९ फागुन ५ गते रोक्का गर्न बैंकलाई आदेश दिएको थियो । भन्दा फरक पर्दैन ।

त्यसअघि नै एनआईसी एसिया बैंकले २०७५ कात्तिक १४ गतेको पत्रअनुसार उक्त जग्गा रोक्का भएको थियो । तर अहिले अदालतले फुकुवाको आदेश नआई बैंक र मालपोतका कर्मचारीको मिलेर बैंकबाट फुकुवा गरी देवीराम पौडेलका नाममा दाखिला गरिएको पाइएको छ । यो लुट नभए के हो गभर्नर साब हेक्का होस् । तत्काल एनआईसी एशिया बैंकलाई कारवाही होस् । जग्गा धनी प्रकाश उप्रेतीले जग्गा फुकुवा गरी देवीराम पौडेलका नाममा दाखिला गरिएको थाहा पाएपछि उनी छाँगाबाट खसेझै भएका छन् । ‘अदालतले दिएको आदेशलाई बैंक र मालपोतले लत्याएका छन् । आदेशको उल्लङ्घन गरेर लिलामीमा दिएका छन्,’ उप्रेतीले भने, ‘देवीराम पौडेलले नै मलाई बैंकको लिलामीबाट जग्गा लिएको भनेपछि मात्रै थाहा पाएँ, म त छाँगाबाट खसेजस्तै भएँ ।’ उनीले पंक्तिकारसंग बताए ।

भूमि व्यवस्थापन तथा अभिलेख विभाग काठमाडौंलाई देवीराम पौडेलका नाममा कायम भएको जग्गाहरू बदर गरी साविक बमोजिम नै कायम गरी आवश्यक कारबाही गर्न पत्राचार गरेको देखिन्छ । मालपोत कार्यालय सुर्खेतका प्रमुख जनक बहादुर हमालले पठाएको पत्रमा भनिएको छ, ‘एनआईसी एसिया बैंकमा २०७५ कात्तिक १४ गते रहेको उप्रेतीद्वयका जग्गाहरू २०७९ फागुन ५ गतेको जिल्ला अदालतले रोक्का राखेकोमा लिलाम सकारकर्ता देवीराम पौडेलका नाममा कायम भएको जग्गाहरु बदर गरी साविक बमोजिम नै काम गरिदिनुहुन सादर अनुरोध छ भनेका छन् भन्दा फरक पर्दैन ।’

साथै कार्यालय प्रमुख हमालले यस विषयमा कार्यालयका नायव सुब्बा राजकुमार सिंह र खरिदार राजेन्द्रबहादुर खड्कालाई स्पष्टीकरण समेत सोधेका छन् । अहिले प्रमुख हमाल र दुवै कर्मचारी कार्यालयमा अनुपस्थित देखिन्छन् ।उता एनआईसी एसिया बैंक सुर्खेतका प्रबन्धक अशोक तिमिल्सेना भने बैंकले सबै प्रक्रिया पूरा गरेर लिलाम गरेको दाबी गर्छन् । यद्यपि रोक्का जग्गा कसरी लिलाम भयो भन्ने प्रश्नको जवाफ भने दिन सकेनन् । भन्दा फरक पर्दैन । यो कस्तो एनआईसी एशिया बैंकको लुट प्रवृत्ती हो गभर्नर साब ? २०८० वैशाख २९ गते जिल्ला अदालतले प्रकाश उप्रेतीको नाममा स्रेस्ता कायम रहेको कित्ता नम्बर ४८८ र ४८९ को जग्गा बैंकले फुकुवा गरे पनि बाँकी जग्गा फुकुवा गरेको थिए । कित्ता नम्बर ४८८ र ४८९ को जग्गा पञ्चकोशी रियल स्टेट एण्ड कन्ट्रक्सन प्रालिले सकार गरि लिएपछि बैंकले जग्गा फुकुवा गरिदिन अदालतमा निवेदन दिए । सोही बमोजिम अदालतले फुकुवा गरिदिन मालपोतलाई पत्र लेख्यो ।

तर, प्रकाश र अर्चनाको नाममा रहेको बाँकी जग्गा लिलाम भएर देवीराम पौडेलका सकार गरी लिएपछि अदालतमा निवेदन दिएर फुकुवा गर्नुपर्नेमा त्यसो नगरेर बैंकले छोटो बाटो अपनाएको देखिन्छ । गभर्नर साब उप्रेती दम्पत्तीलाई एनआईसी एशिया बैंकले संकटमा पु¥याएको देखिन्छ । यो लुट नभएर के हो ? जग्गा लिलाम गरेर सकार गरी लिएपछि बैंकले अदालतमा निवेदन दिनुपर्छ । त्यसपछि अदालतले मालपोत कार्यालयलाई जग्गा फुकुवा गर्न आदेश दिन्छ अनि मात्र जग्गा सकार गरी लिएको व्यक्तिको नाममा दर्ता हुन्छ । कि कसो ? उसो त मालपोत कार्यालय सुर्खेतको यो नै पहिलो लफडा हैन । यहाँ यस्ता घटनाहरू बारम्बार हुने गर्छन् । व्यक्तिको जग्गा किर्ते गरेको, प्रक्रिया विना नै आफन्तलाई कर्मचारीमा छनोट गरेको तथा जग्गा माफियाको बिगबिगीका विषयले यहाँ पहिल्यैदेखि लफडा हुँदै आएको छ । २०७९ असारमा व्यक्तिको जमिन कीर्ते गरेर बिक्री गर्ने मालपोत कार्यालयका ६ जना कर्मचारीसहित १३ जनालाई जिल्ला अदालतले दोषी ठहर गरेको थियो । अदालतले तीन जनालाई कीर्ते र ठगी, १० जनालाई कीर्तेमा दोषी ठहर गरेको थियो । भन्दा फरक पर्दैन ।

वीरेन्द्रनगर–१२ मा रहेको सौगात रावतको नामको ३१११ कित्ता नम्बरको ६ कट्ठा जमिन २०७७ साल असार ८ गते मालपोत कार्यालय र जग्गा दलालको मिलेमत्तोमा सहवीर कार्कीको नाममा पास गरेर भोलिपल्टै उक्त जमिन विभिन्न व्यक्तिहरूलाई बिक्री गरिएको थियो । पीडितको जाहेरीका आधारमा जिल्ला प्रहरी कार्यालय सुर्खेतले मालपोत कार्यालयका तत्कालीन प्रमुखसहित १९ जनाविरुद्ध ठगी र कीर्तेमा मुद्दा दर्ता गरेको थियो । अदालतले तत्कालीन मालपोत कार्यालयका प्रमुख लक्ष्मी खत्रीसहित ६ जनालाई भने सफाइ दिएको थियो ।

अब बैंक बिरुद्ध व्यापारीहरुले आन्दोलन गर्ने

अदालतको रोक्का आदेश लत्याउँदै जग्गा पास भएपछि सुर्खेतका व्यापारीहरूले आन्दोलन गर्ने बताएका छन् । बैंक र मालपोतको ‘सेटिङ्गमा’ जग्गा पास गरेकोले त्यसविरुद्ध आफूहरू सडकमा उत्रिने सुर्खेत उद्योग वाणिज्य संघका अध्यक्ष लक्ष्मण कँडेलले पंक्तिकारसंग बताए । ‘सम्मानित अदालतले गरेको निर्णयविरुद्ध बैंकले मालपोतसँग सेटिङ्ग गरेर काम गरेको छ । यो काम हाम्रा लागि मान्य छैन,’ अध्यक्ष कँडेलले भने, ‘व्यापारीहरूलाई सिध्याउने कदम हामीलाई सैह्य छैन । प्रशासनलाई पनि समस्या समाधानका लागि भनिसकेका छौँ । नभए आन्दोलन चरणवद्धरुपमा सुरू हुनेछ ।’ हेक्का होस् । उनीले थपे एनआईसी एशिया बैंकको लुट धन्दा देशव्यापी चलेको छ यसलाई राष्ट्र बैंक प्रहरी प्रशासनले नरोके देशव्यापी आन्दोलन सुर्खेतबाट शुरु गर्ने नै छौं नि । सचेत भया ।