काठमाडौ जिल्लाको गोकर्णेश्वर नगरपालिकाभित्र चुनावी चर्चा मुख्य राजनीतिक दलहरुसगै स्वतन्त्र उम्मेदबारले देखाएको डरको पनि हुन थालेको छ । नेपाली काग्रेसवाट विद्रोह गरेर स्वतन्त्र निर्वाचनमा होमिएका जयराम महत यति बेला उक्त पार्टीसहित अन्य ठुला राजनीतिक दलका लागि पनि टाउँको दुखाई देखिएका छन् ।

वडा ४ अध्यक्षमा स्वतन्त्र उम्मेदवारी दिएकासँग महतले नेपाली काग्रेस र नेकपा एमाले समेतको भोट प्रभावित पार्न थालेपछि अन्य राजनीतिक दलहरु शशंकित हुन थालेका छन् ।

२०७४ सालमा नेपाली काग्रेसवाट बडा सदस्य जितेर यस पटकका लागि वडाअध्यक्षको तयारी गरेका महतले टिकट नपाएपछि पार्टीको सवै पदवाट राजिनामा दिएर स्वतन्त्र उम्मेदबारी दिएका थिए । बागमती प्रदेश काठमाडौँ ३ ख का सचिव रहेका उनले उक्त पदबाट राजीनामा दिई वडा नम्बर ४ बाट वडा अध्यक्षमा स्वतन्त्र उम्मेदवारी दर्ता गराएका थिए । उनी गत वर्ष लोकप्रिय मत ल्याएको र यो वर्षपछि बडामा भिजेको उम्मेदबार भएका कारण सवै राजनीतिक दलहरुलाई समस्या पर्ने नेकपा एमालेका एक स्थानीय नेताले बताए ।

चुनावी प्रचार प्रचारलाई तिव्रता दिएका महतले भने म यो वडालाई नगरपलिकाको उत्कृट वडा बनाउने योजना सहित म चुनावी मैदानमा होमिएको दावी गरेका छन् । ‘मैले हिजो पनि दल भन्दा माथि उठेर काम गरे भोलि पनि दल भन्दा माथि उठेर काम गर्ने छु’ उनले भने ‘अव म कुनै दलको हैन जनताको हो । जनताको काम गर्छु ।’

स्थानिय चुनावमा जनताले पार्टी नभै कामको आधारमा आफ्नो मुल्याङ्कन गर्ने हुनाले आफूले गरेको कामको आधारमा जित हात पार्ने उनको दावी छ ।
महत स्थानिय तहमा लोकप्रिय रहेको नेपाली काग्रेसका नेताहरुले पनि स्वीकार गरेका छन् । उक्त बडामा नेपाली काग्रेसका तर्फवाट ज्ञान कुमार श्रेष्ठ र नेकपा एमालेका तर्फवाट श्री कुमार श्रेष्ठ उम्मेदबार मैदानमा रहेका छन् । तर अहिले बडाभित्र चर्चा भने स्वतन्त्र उम्मेदवार महतको धेरै देखिएको छ ।