आज सोमबार र मंगलबार बैंकहरुको एटीएम कार्ड नचल्ने भएका छन् । स्मार्टच्वाइस टेक्नोलोजिज प्रणालीमा आवद्ध भएका १३ वटा बैंकहरुको एटीएम कार्ड नचल्ने भएको हो । स्विचिङ्ग सिस्टम अपग्रेड गर्नुपर्ने भएकोले स्मार्टच्वाइस टेक्नोलोजिजमा आवद्ध बैंक तथा वित्तीय संस्थाहरुद्धारा सञ्चालनमा रहेका SCT-UPI कार्डबाट हुने सम्पूर्ण कारोबार तथा एटीएम सेवा बन्द रहने जनाएको छ ।

स्मार्टच्वाइस टेक्नोलोजिज लिमिटेडले जारी गरिएको सूचनामा भनिएको छ– यस कम्पनीको स्विचिङ्ग सिस्टम अपग्रेड गर्नुपर्ने भएकोले यदि पुस २६ गते र २७ गते यस संस्थामा आवद्ध बैंक तथा वित्तीय संस्थाहरुद्धारा सञ्चालनमा रहेका SCT-UPI कार्डबाट हुने सम्पूर्ण कारोबार तथा एटीएम सेवा बन्द रहनेछन् ।

दुई दिनसम्म एटीएम कार्ड नचल्ने बैंकहरुमा कृषि विकास बैंक, सिभिल बैंक, एभरेष्ट बैंक, ग्लोवल आईएमई बैंक, हिमालयन बैंक, मेगा बैंक, नबिल बैंक, एनएमबि बैंक र प्रभु बैंक रहेका छन् । त्यस्तै, ग्रिन डेभलपमेन्ट बैंक, कर्णाली डेभलपमेन्ट बैंक र सिन्धु विकास बैंक रहेका छन् । त्यसैगरि १३ वटा फाइनान्स कम्पनीको एटीएम समेत दुई दिनसम्म नचल्ने भएका छन् ।

हेर्नुहोस् सूचना