विश्वभर कोरोना भाईरस (कोभिड–१९)को दुष्प्रभावबाट आक्रन्त भएको छ । स्वास्थ्य सजगता र सुविधाबाट उच्च कोटिमा पर्ने मुलुकको अवस्था नै दयनीय छ । यस्तो परिस्थितिमा कोभिड–१९ को प्रभाव न्यून होस भन्ने उद्देश्यले नेपाल सरकारले राज्यभर लकडाउनको घोषणा गरेको छ ।

यसको जनताबाट समेत पूर्ण समर्थन भएको महसुस गर्न सकिन्छ । कोरोना भाईरसले सङ्क्रमण रोकथामको लागि अधिकतम सम्भाव्य मानिसहरुको स्वास्थ्य परिक्षण् गर्न गराउनको अतिरिक्त लकडाउनको कारण दैनिक उपभोग्य बस्तुको जोह गर्न समेत धौधौ पररिहेको समुदायलाई खानाको व्यवस्था गर्न तथा क्वारेन्टाइनमा रहेका व्यक्तिहरुको व्यवस्थापन मिलाउन राज्यलाई नै कठिन परेको यस सम्बेदनशील घडीमा गरिमा विकास बैंक लिमिटेडले मुलुकका सम्पूर्ण प्रादेशिक सरकारहरु मार्फत प्रत्येक प्रदेशका लागि रु ५ लाखको दरले रु ३५ लाख रुपैया राहत स्वरुप प्रदान गरेको छ । सो रकम प्रदेश सरकारको राहत कोषमा जम्मा गरिने बैंकले जनाएको छ ।