बुढानीलकण्ड नगरपालिकाका नगरप्रमुख उद्धव खरेलले नगरका सबै वडा अध्यक्षहरुलाई सर्कुलर जारी गर्दै भनेका छन् । हामी बूढानीलकण्ठ नगरपासलकामा रहेका आपत परेका परिवारहरुलाई १५ दिनेको आवश्यक राहत सामाग्री वितरण गर्दछौं । यसका लागि वडा अध्यक्षहरुलाई २ दिन भित्र तयारी गर्न भनिएको छ । यस्ता छन् निर्देशनहरु ।

• प्रत्येक वडामा रहेका खाद्य सामाग्री २÷३ वटा ठूला पसलहरुको नाम, सम्पर्क नं. र मोज्दात परिमाणको विवरण दिने ।
•  वडाको मुख्य तरकारी पसल २÷३ वटाको विवरण दिने
•  प्रत्येक वडामा १÷१ वटा खुल्ला गोदाम घर, खाद्य स्टोर कुन कुन छन् नाम सूची पत्ता लगाई पठाउने ।
•  भविष्यमा आपत बढ्दै भएमा मेडिकल स्टोर गर्न सकिने ठाउँ पत्ता लगाई पठाउने ।
•  आफ्नो वडामा २० दिन सम्म खानेकुरा राशन अभाव हुन सक्ने व्यक्ति परिवार संख्या टोल समितिसंग समन्वय गरी सूचना तयार गरी पठाउन ।
•  यदि आपत परेका परिवारलाई १५ दिनको लागि आवश्यक राहत वितरण गर्ने खुल्ला स्थानको तय गरी लिखित नगरपालिकामा बुझाउने ।
•  आफ्नो वडामा लकडाउनको पूर्ण पालना लगाउन प्रहरी प्रशासनसंग समन्वय गर्ने र गराउने भनिएको छ ।